Halkara kosmos stansiýasynyň orbitasy ekipaž çalşygyndan öň takmynan 2 km ýokarlandyryldy
Halkara kosmos stansiýasynyň (HKS) orbitasy üstünlikli düzedilip, 1,9 km ýokarlandyryldy. Bu barada «Roskosmosa» salgylanyp, TASS agentligi habar berdi.
Bu iş 2-nji iýul gijesi «Progress MS-34» ýük gämisiniň hereketlendirijileriniň kömegi bilen geçirildi. Hereketlendirijiler 9 minutdan gowrak işledi. Düzedişden soň stansiýanyň Ýerden uçuş beýikligi 419,89 km boldy.
Orbitanyň üýtgedilmegi meýilleşdirilen amaldyr. Bu, «Soýuz MS-29» kosmos gämisiniň uçurylyşyndan hem-de «Soýuz MS-28» gämisiniň gaýdyp geljek kapsulasynyň gonuşyndan öň zerur ballistik şertleri döretmek üçin amala aşyrylýar.
Häzirki wagtda HKS-de ýedi adamdan ybarat halkara ekipaž işleýär. Onuň düzüminde russiýaly kosmonawtlar Sergeý Kud-Swerçkow, Sergeý Mikaýew, Andreý Fedýaýew, NASA-nyň astronawtlary Kristofer Uilýams, Jessika Meir, Jek Heteueý hem-de Ýewropa Kosmos Agentliginiň (ESA) astronawty Sofi Adeno bar.
