Türkmen dizaýneri Tanger Fashion Week 2026 moda hepdeliginde öz kolleksiýasyny hödürledi
Türkmen dizaýneri Göwher Guwerne Marokkonyň Tanžer şäherinde geçirilen Tanger Fashion Week 2026 halkara moda çäresinde öz kolleksiýasyny hödürledi.
Tanger Fashion Week 2026 20-nji iýunda Fairmont Tazi Palace köşgünde geçirildi we dürli ýurtlardan dizaýnerleri, moda pudagynyň wekillerini, metbugat işgärlerini hem-de alyjylary bir ýere jemledi. Guramaçylaryň bellemegine görä, bu çäre Tanžer şäheriniň Ortaýer deňzi sebitindäki moda, döredijilik senagatlary we sungat merkezleriniň biri hökmünde ornuny pugtalandyrmaga gönükdirilendir.
Dizaýner Göwher Pirgulyýewa öz işlerinde türkmen milli nagyşlaryny, şaý-seplerini we dokma usullaryny häzirki zaman moda ugurlary bilen utgaşdyrýar. Onuň kolleksiýalary milli medeni mirasyň aýratynlyklaryny saklamak bilen bir hatarda halkara moda bazarynyň talaplaryna hem laýyk gelýär. Soňky ýyllarda Göwher Guwerneniň işleri Ýewropada we Ýakyn Gündogarda geçirilen birnäçe moda görkezilişlerinde görkezildi.
