Türkmenistanyň Bilim ministrligi Hytaýyň ýokary okuw mekdeplerinde okamak üçin resminamalary kabul etmek möhletini uzaltdy
Türkmenistanyň Bilim ministrligi Hytaý Halk Respublikasynyň Sinszýan-Uýgur awtonom raýonynyň ýokary okuw mekdeplerinde okamak üçin bäsleşikli seçip alyşa gatnaşmaga resminamalary kabul etmek möhletiniň uzaldylandygyny yglan etdi. Indi resminamalary 2026-njy ýylyň 25-nji iýunyna çenli (şol gün hem degişli) tabşyryp bolar.
Bäsleşikli seçip alyş işi 2026/2027-nji okuw ýyly üçin bakalawr maksatnamalary boýunça okuwa girmek maksady bilen geçirilýär.
Okuwa girmäge umumy orta ýa-da orta hünär bilimi bolan, iňlis dilini bilýän, 18-den 25 ýaşa çenli bolan Türkmenistanyň raýatlary goýberilýär. Resminamalary kabul etmek Aşgabat şäherindäki Halkara ynsanperwer ylymlary we ösüş uniwersitetinde (HYYweÖU) amala aşyrylýar.
Dalaşgärler iňlis diline terjime edilen resminamalaryň standart toplumyny tabşyrmalydyr. Şahsy sowalnamalardan, pasportlardan, saglyk baradaky kepilnamalardan we umumy orta bilim, orta hünär bilimi baradaky resminamanyň asyl nusgalaryndan, başga-da SAT, TOEFL, IELTS, HSK halkara şahadatnamalary, CSCA synagynyň netijelerini tabşyryp bilerler. Şeýle şahadatnamalaryň hem-de döwlet we halkara ders bäsleşiklerindäki ýeňişler dalaşgärlere goşmaça artykmaçlyk berer.
Giňişleýin maglumatlar we gerekli resminamalarynyň sanawy bilen Türkmenistanyň Bilim ministrliginiň resmi saýtynda tanşyp bolar.
Habarlaşmak üçin maglumatlar:
Aşgabat ş., 1958-nji (Andalyp) köçesi, 169 (HYYweÖU)
Telefon belgileri: (+993 12) 39-85-62, 39-85-25
E-mail: admissioniuhd@gmail.com
