Türkmenistanyň ilçisi Katar Döwletiniň ulag ministri bilen duşuşdy
16-njy iýunda Türkmenistanyň Katar Döwletindäki Adatdan daşary we Doly ygtyýarly Ilçi M.Seýitmämmedowyň Katar Döwletiniň ulag ministri Şeýh Muhammed bin Abdulla bin Muhammed Al Tani bilen duşuşdy.
Duşuşygyň başynda Ilçi, 2026-njy ýylyň «Garaşsyz, baky Bitarap Türkmenistan - bedew batly at-myradyň mekany» ýyly diýlip yglan edilmegi hem-de Döwlet Garaşsyzlygymyzyň 35 ýyllygy mynasybetli ýurdumyzda guralýan halkara çäreler bilen tanyşdyrdy.
Şeýle hem ýurdumyzyň halkara we sebitleýin ulag aragatnaşygyny ösdürmek boýunça alyp barýan syýasatyny, ýurduň ulag infrastrukturasyny ösdürmek baradaky tagallalaryny we maksatnamalaryny belläp geçdi.
Aýratynda ýurdumyzyň başlangyjy bilen BMG-niň Baş Assambleýasy tarapyndan kabul edilen Kararnamalar, ýurdumyzda geçirilýän ulag ulgamyna bagyşlanan halkara maslahatlar we çäreler barada bellenilip geçildi.
Mundan başgada iki ýurduň arasynda ulag-logistika ulgamyndaky gatnaşyklary ösdürmegiň we tejribe alyşmagyň ýollary ara alnyp maslahatlaşyldy.
ORIENT
