Daşkentde V Halkara maýa goýum forumynyň plenar mejlisi açyldy — fotohasabat
Daşkentde V Daşkent Halkara maýa goýum forumynyň plenar mejlisi öz işine başlady. Forum dünýäniň onlarça döwletinden döwlet we hökümet ýolbaşçylaryny, halkara maliýe institutlarynyň, iri kompaniýalarynyň we işewür toparlarynyň wekillerini bir ýere jemledi.
Foruma gatnaşyjylara Özbegistanyň Prezidenti Şawkat Mirziýoýew gutlag sözi bilen ýüzlendi. Döwlet Baştutany öz çykyşynda maýa goýumlary çekmek, ulag infrastrukturasyny ösdürmek, «ýaşyl» energetika, emeli aň we halkara hyzmatdaşlyk meselelerine aýratyn üns berdi.
Guramaçylaryň maglumatlaryna görä, forumyň işine 100-den gowrak ýurtdan gelen takmynan 4 müň daşary ýurtly myhman gatnaşýar.
Çärä Türkmenistanyň Söwda we daşary ykdysady aragatnaşyklar ministri Nazar Agahanowyň ýolbaşçylygyndaky türkmen wekiliýeti hem gatnaşýar.
Forum sebitleýin we halkara köpçülikleýin habar beriş serişdeleri, şol sanda ORIENT tarapyndan giňden şöhlelendirilýär.
Forumdan fotohasabat:
