TBM tarapyndan okuw işinde şahsy ykjam tehniki serişdelerinden peýdalanmagyň tertibi tassyklandy
Golaýda Türkmenistanyň Bilim ministrligi tarapyndan okuw işiniň maksatlary üçin bilim alýanlaryň şahsy ykjam tehniki serişdelerinden peýdalanmagynyň tertibi tassyklandy. Türkmenistanyň Bilim ministriniň şu ýylyň 19-njy maýynda «Bilim hakynda» Türkmenistanyň Kanunynyň 16-njy maddasynyň on üçünji bölegine laýyklykda çykaran 197 belgili buýrugy Adalat ministrligi tarapyndan 3-nji iýunda 1948 belgisi bilen döwlet belligine alyndy.
Oňa laýyklykda okaýanlaryň şahsy ykjam tehniki serişdelerine – "ykjam telefonlar, smartfonlar, planşetler, noutbuklar, smart sagatlar we beýleki aragatnaşyk wezipelerini ýerine ýetirýän, internet toruna birikýän, foto surata düşürýän, ses we wideo ýazgylaryny edýän şahsy elektron gurluşlar" degişli edilýär.
Bu buýruk we onuň tertibi bilen aşakda görkezilen Türkmenistanyň Adalat ministrliginiň resmi web sahypasynda giňişleýin tanşyp bilersiňiz:
Okuw işiniň maksatlary üçin okaýanlaryň şahsy ykjam tehniki serişdelerinden peýdalanmagyň tertibi
ORIENT
