Türkmenistanda ilkinji gezek “Transport Expedition” (TEX) logistika sanly platformasy işe girizildi

Iýun 15, 2026 | 14:02 |2699

Çeşme: Guramaçylar tarapyndan berlen

Golaýda paýtagtymyz Aşgabatda, Türkmenistanda ilkinji gezek “Transport Expedition” (TEX) logistika sanly platformasynyň resmi açylyş we tanyşdyrylyş dabarasy geçirildi. Bu taslama ýük ugradyjylary (ýük eýelerini), hususy sürüjileri, iri awtoduralgalaryň eýelerini we logistika kompaniýalaryny onlaýn görnüşde bir ýerde jemleýän döwrebap köpri bolup hyzmat eder.

$официальная церемония открытия и презентация цифровой логистической платформы «Transport Expedition» (TEX)$

Tanyşdyrylyş dabarasyna pudagyň öňdebaryjy bilermenleri, iri ýerli telekeçiler, önüm öndürijiler hem-de logistika ulgamy bilen gyzyklanýan köp sanly myhmanlar gatnaşdylar. Şeýle-de, bu çärä daşary ýurtlardan gatnaşmaga isleg bildiren myhmanlar üçin Google Meet platformasy arkaly onlaýn görnüşde guraldy.

Çykyşlarda bellenilişi ýaly, “TEX” sanly taslamasy 160-dan gowrak ugurdaş kompaniýany birleşdirýän “Türkmen Logistika” assosiasiýasynyň goldawy bilen, “Daşly kenar” hojalyk jemgyýetiniň eýeçiligi esasynda durmuşa geçirildi.

$официальная церемония открытия и презентация цифровой логистической платформы TEX$

“TEX” platformasy milli we daşary ýurtly bilermenleriniň gatnaşmagynda iki ýylyň dowamynda işlenip düzüldi. Bu taslamanyň esasy aýratynlygy ýurdumyzda alnyp barylýan ähli amallaryň we hasaplaşyklaryň diňe bir halkara walýutalarynda däl-de, eýsem, milli manatda, doly görnüşde üpjün etmäge mümkinçilik berýän ilkinji giň gerimli sanly logistika guraly bolmagydyr. Ulgam “bir penjire” ýörelgesi esasynda, döwrebap websaýt we ykjam goşundylar (Google Play, App Store) arkaly elýeterlidir.

$Дженнет Езимова ORIENT$

Platformanyň esasy funksional mümkinçilikleri:

•Intellektual gabatlaşdyrma: Ýük eýeleri bilen oňa laýyk gelýän ulaglaryň awtomatiki usulda bir ýerde jemlenmegi;

•GPS-monitoring: Ýükleriň ýerleşýän ýerini sanly görnüşde yzarlamak mümkinçiligi;

•Çykdajylaryň optimizasiýasy: Göni gatnaşyklar arkaly artykmaç çykdajylaryň aradan aýrylmagy.

•Analitika: Logistika çykdajylaryny meýilleşdirmek we maglumatlary toplamak üçin ýörite gurallar.

$Transport Expedition TEX$

“TEX” platformasy iňlis, rus we türk dillerinde elýeterli bolup, howpsuzlyk taýdan ygtybarly we ulanyş taýdan amatly görnüşde işlenip düzüldi. Bu ulgam ýurtda dünýä standartlaryna laýyklykda logistika ulgamynyň kämilleşmegine, ýerli harytlaryň bäsdeşlige ukyplylygynyň ýokarlanmagyna we eksport düzüminiň berkemegine goşant goşar.

Platforma doly güýjünde öz işine başlady. Platformadan peýdalanmak üçin texexpress.pro websaýtyna girip, gysgaça anketany doldurmak arkaly hasaba durmak ýeterlikdir.

$Мердан Атаев – бизнесмен$