Aşgabatda Türkmenistanyň we Eýranyň daşary syýasat edaralarynyň ýolbaşçylarynyň gepleşikleri geçirildi
Türkmenistanyň Daşary işler ministrliginde ýurduň daşary syýasat edarasynyň ýolbaşçysy Raşid Meredowyň we Aşgabada iş sapary bilen gelen Eýran Yslam Respublikasynyň Daşary işler ministriniň orunbasary Mehdi Sobhaniniň arasynda ikitaraplaýyn gepleşikler geçirildi. Diplomatlar iki döwlet üçin hem özara bähbitli bolan esasy ugurlar boýunça ikitaraplaýyn hyzmatdaşlygyň esasy meselelerini ara alyp maslahatlaşdylar.
Duşuşygyň dowamynda söhbetdeşler däp bolşy ýaly, goňşuçylyk, özara hormat goýmak, deňhukuklylyk we ýokary ynanyşmak ýaly sarsmaz ýörelgelere esaslanýan türkmen-eýran gatnaşyklaryny mundan beýläk-de yzygiderli ösdürmäge taraplaryň ygrarlydygyny aýratyn bellediler. Şol bir wagtda diplomatlar ozal ýokary derejede gazanylan döwletara ylalaşyklary netijeli durmuşa geçirmäge gönükdirilen anyk ädimleri we amaly gurallary jikme-jik maslahatlaşdylar.
Aşgabatda geçirilen duşuşyk häzirki zaman sebit gün tertibiniň çäklerinde iki goşnuşy döwletiň arasyndaky yzygiderli we ynanyşmak häsiýetine eýe bolan syýasy dialogyň ähmiýetini ýene bir gezek görkezdi.
