Sinszýanda 5,0 magnitudaly ýer titreme boldy
Hytaýyň Seýsmiki aragatnaşygy merkeziniň maglumatyna görä, anna güni Pekin wagty bilen sagat 14:55-de ýurduň demirgazyk-günbataryndaky Sinszýan-Uýgur awtonom sebitiniň Turfan şäheriniň Toksun etrabynda 5,0 magnitudaly ýer titreme hasaba alyndy.
Hytaýyň Seýsmiki aragatnaşygy merkeziniň (CENC) hasabatynda bellenilişi ýaly, ýer titremäniň merkezi demirgazyk giňişliginiň 42,20 gradusynda we gündogar uzynlygynyň 88,22 gradusynda ýerleşip, ojagy 20 kilometr çuňlukda bolupdyr.
Ýer titremeden soň Turfan şäheriniň ýangyn howpsuzlygy gullugy wakanyň bolan ýerine işgärlerini iberdi.
Häzirlikçe adam pidalary ýa-da binalaryň ýumrulmagy barada maglumat gelip gowuşmady.
Häzirki wagtda Toksun etrabynda ulag gatnawy, elektrik üpjünçiligi we telekommunikasiýa ulgamlary kadaly işlemegini dowam etdirýär. Ýerli ýaşaýjylaryň gündelik durmuşy we önümçilik işleri ýer titremeden zyýan çekmedi.
