Hytaýyň daşary işler ministri: Hytaý-Pakistan gatnaşyklary döwletara gatnaşyklar üçin nusga bolup durýar
Hytaýyň daşary işler ministri Wan I duşenbe güni beren beýanatynda Hytaý bilen Pakistanyň syýasy özara ynamyň, amaly hyzmatdaşlygyň we halkara özara hereketleriň ýokary derejesini saklap gelýändigini hem-de munuň döwletara gatnaşyklar üçin nusga bolup durýandygyny mälim etdi.
Şol bir wagtyň özünde Hytaýyň Kommunistik partiýasynyň Merkezi Komitetiniň Syýasy býurosynyň agzasy Wan I bu beýanaty Pekine sapar bilen gelen Pakistanyň Ýaragly güýçleriniň we gury ýer goşunlarynyň ştabynyň başlygy Asim Munir bilen duşuşan wagtynda etdi.
Ol Hytaýyň Premýer-ministri Li Sýanyň çakylygy boýunça 23-26-njy maý aralygynda Hytaýda resmi saparda bolan Premýer-ministr Şehbaz Şarif bilen bilelikde Muniriň Hytaýa saparyny mähirli garşylady.
Wan I halkara we sebit ýagdaýlarynyň nähili üýtgeýändigine garamazdan, Hytaý bilen Pakistanyň arasyndaky dostlugyň sarsmaz we üýtgewsiz galjakdygyny aýtdy.
Ol Pakistanyň ýaragly güýçleriniň hytaý-päkistan hyzmatdaşlygyny ösdürmekde elmydama möhüm orun eýeländigini we olaryň adaty dostlugy çuňlaşdyrmaga hem-de hytaý-pakistan bitewi ykbal bileleşigini gurmaga täze goşant goşjakdyklaryna ynanýandygyny belläp, sözüniň üstüne goşdy.
Munir Hytaý Halk Respublikasynyň Başlygy Si Szinpin tarapyndan öňe sürülen dört sany esasy ählumumy başlangyjyň we “Bir guşak, bir ýol” başlangyjynyň bütin dünýäde parahatçylygy we ösüşi ilerletmekde esasy orun eýeländigini mälim etdi.
Ol öz ýurdunyň Hytaý-Pakistan ykdysady geçelgäniň ösüşini mundan beýläk-de hemmetaraplaýyn ilerletmäge taýýardygyny mälim etdi.
Pakistanyň harby lideri, şeýle hem Wan Ia Ýakyn Gündogardaky ýagdaýlary çözmek boýunça iň soňky ýetilen sepgitler barada maglumat berdi we ylalaşyga örän az galandygyny, pakistan tarapynyň bolsa ähli tagallalaryny dowam etmäge taýýardygyny mälim etdi.
Wan I Hytaýyň Pakistanyň araçylyk tagallalaryna ýokary baha berýändigini we ony goldaýandygyny aýtdy.
Bu ýyl iki ýurduň arasynda diplomatik gatnaşyklaryň ýola goýulmagynyň 75 ýyllygy bellenilip geçilýär.
