Fuçžouda geçirilen Digital China sammitiniň ýyldyzlary köpugurly robot-kömekçiler boldy
Hytaýyň günorta-gündogaryndaky Fusýan welaýatynyň Fuçžou şäherinde geçirilen dokuzynjy «Digital China» sammitinde gündelik durmuşyň we senagatyň dürli ugurlaryny öz içine alýan köpugurly robot-kömekçileriň täsirli görnüşleri üns merkezinde boldy.
Penşenbe güni açylan we anna güni köpçülik üçin elýeterli bolan sammitde 6 müňden gowrak tehnologiýa, önüm we amaly taslama görkezildi. Olaryň arasynda robot-kömekçiler iň gyzykly eksponatlaryň birine öwrüldi.
Meýletinçi adamlaryň we artistleriň ornuny tutan, doly derejeli sahnalary döretmäge ukyply ýurtda işlenip düzülen robotlar indi myhmanlary garşylap we ugradyp bilýärler, tans edýärler, hatda kalleografiýa bilen ýazyp hem bilýärler. Çalt ösýän “janlandyrylan intellekt” saýasynda bu maşynlar barlaghanalardan hakyky durmuşa uly böküş edýärler.
Sergä gatnaşyjy Li Sýu şeýle diýdi: «Modeliň esasy arhitekturasyndan başlap, kabul edişiň köp gatlakly birleşmesine, hereketi dolandyrmak algoritmlerine we berkidiji okuwa çenli — bu tehnologiki bölekleriň hemmesi birleşip, biziň doly işleýän tehniki gurluşymyzy emele getirýär».
Adam şekilli robotlardan başga-da, robot-itler iň oňat enekelere öwrülýärler we ýolgörkezýärler. Sergide akylly robot-it, çaga ony sypalanyndan soň, edil hakyky öý haýwany ýaly täsir etdi: üýrdi, oýunbazlyk bilen çökerdi we mähir görkezdi. Sesli buýruklar arkaly ol hatda yza tarap salto hem atyp bildi.
Sergä gatnaşyjy Sin Siszýa şeýle belledi: «Biz öýde garrylara we çagalara edilýän idege üns berip, bulut ulgamynda ýörite uly intellektual modeli ýerleşdirdik we elektron geýim ýaly duýgur sensor tehnologiýalaryny goşduk. Ol şeýle hem ýolgörkezip it hökmünde hyzmat edip biler».
Gündelik durmuşdan başga-da, robotlar senagat pudagyna hem çalt ornaşdyrylýar. Sergi meýdançasynda robot-«işgärler» deslapky taýýarlykdan geçip, materiallary ýygnamakdan we önümçilikden başlap, daşamaklyga çenli imitasiýa edilen önümçilik liniýasynda ähli wezipeleri takyk ýerine ýetirdiler.
Sergä gatnaşyjy Fan Sýan «Maglumatlary ýygnanymyzdan soň, biz olary okuw üçin modele geçirmezden ozal, ilkinji el bilen görkezilen maglumatlarymyz bilen birleşdirip, doly maglumatlar toplumyny emele getirýäris» -diýip, belledi.
Käbir gatnaşyjy kompaniýalar şeýle-de dürli senagat şaýlaryny sortlamakdan başlap gaplamaga çenli bolan standart däl önümçilik wezipelerini ýerine ýetirmek üçin janlandyrylan intellektli robotlary okatmak prosesini görkezdiler.
Sergä gatnaşyjy Laý Sýansýan şeýle diýdi: «Awtomobil gurluşygy, 3C elektronikasy we azyk senagaty ýaly pudaklarda janlandyrylan intellektli robotlara ägirt uly isleg bar. Bu ýyl biz robotlara bolan sargytlaryň geçen ýyl bilen deňeşdirilende azyndan 30 göterim artandygyny görýäris».
