Pekinde tapawutlanan zähmetkeşler sylaglandy
Ählihytaý kärdeşler arkalaşyklary federasiýasy sişenbe güni Pekinde tapawutlanan zähmetkeşleri sylaglamak dabarany geçirdi. 379 topar 1-nji maý zähmet öndürijiligi üçin Hormat hatlaryna, 1462 adam 1-nji maý Zähmet medallaryna, 1183 topar bolsa "Milli işçi pioneri" adyna mynasyp boldy.
Şu ýyl medallar esasan adaty işgärlere berildi: sylaglananlaryň 962-si senagat işçileri, hünärmen-tehnikler we beýleki ýerdäki işgärler bolup, olar umumy sanyň takmynan üçden iki bölegini düzýär. Şeýle hem, iş bilen üpjünçiligiň täze görnüşleriniň işgärleri, mysal üçin kurýerler hem uly paýa eýe boldular. "1-nji maý zähmet" baýragynyň eýesi, kurýer Çi Çunçžu bu sylagyň özüne kämilleşmäge çalyşmalydygyna we öz zähmeti bilen gazanç edip biljekdigine has gowy düşünmäge kömek edendigini aýtdy.
"Milli işçi pioneri" adyna mynasyp bolanlaryň 922-si toparlar ýa-da bölümler bolup, olar umumy sanyň dörtden üç bölegini düzýär. Ylmy işgär we baýragyň eýesi Çžan Sinpin öz toparynyň otlylanlary intellektual ulanmak, emeli aňyň uly modellerini ornaşdyrmak ugrunda gözleglerini dowam etdirjekdigini we ýurduň intellektual önümçilik netijeliligini ýokarlandyrmaga kömek etjekdigini belledi.
Şu ýyl medallar esasan 14-nji we 15-nji bäşýyllyklaryň esasy ugurlarynyň işgärlerine: gaýtadan dikeldilýän energiýa, integral gurluşlar, emeli aň we kwant aragatnaşygy ýaly pudaklaryň wekillerine berildi. Baýrak alanlar 19 sany pudaga wekilçilik edýärler. Döwlete degişli bolmadyk ulgamdan we etnik azlyklaryň wekillerinden sylaglananlaryň sany hem artdy. Ýene bir baýrak eýesi Ma Çžigan 15-nji bäşýyllyk döwründe kärhanalaryň özgermegine we ekologik taýdan arassa şahtalaryň döredilmegine goşant goşmak üçin şahtalary intellektual ulanmaga, pes uglerodly ösüşe we howpsuzlyga ünsüni jemlejekdigini mälim etdi.
