Žejýaň welaýatynda Ýewropa we Merkezi Aziýa tarap ugur alýan ýük otlularynyň sany 12 göterim artdy.
Berlen resmi maglumatlara görä, geçen hepdäniň şenbe güni ýagdaýyna, Hytaýyň gündogarynda ýerleşen, uly möçberlerde eksport edýän Žejýaň welaýaty, özüniň portlaryndan Ýewropa we Merkezi Aziýa tarap 1287 sany ýük otlusyny ugradypdyr, bu bolsa geçen ýylyň degişli döwri bilen deňeşdirilende 12 göterim köpelendigini görkezýär.
Täze energetiki enjamlary we elektrik gurallary ýaly harytlary alyp barýan ýük otlusy şenbe güni welaýatdaky “Jinhua Günorta” menzilinden ugrady. Bu ýük otlusynyň ugramagy bilen Žejýaňda daşary ýurtlara gidýän ýük gatnawlarynyň sany 2024-nji ýylyň görkezijisine deň boldy.
Hytaý-Ýewropa ýük otlusy şu wagta çenli 120 müň sana barabar gatnawy amala ašyrdy diýip, sişenbe güni Sianda geçirilen Hytaý-Ýewropa demir ýol hyzmatdaşlygynyň ikinji Forumynda habar berildi.
China State Railway Group Co. kompaniýasynyň maglumatlaryna görä, otlular takmynan 12 million konteýnerli ýükleri daşapdyrlar we häzirki wagtda Ýewropanyň 26 ýurdunyň 232 şäherine, şeýle hem Aziýanyň 11 ýurdunyň 100-den gowrak şäherlerine ýükleri daşamak hyzmatyny ýerine ýetirýärler.
“Hytaý-Ýewropa” ýük otlusy “Bir guşak, bir ýol” başlangyjynyň öňdebaryjy taslamasy we nyşany hökmünde Ýewraziýa boýunça giň gerimli logistika toruny döretdi. 2024-nji ýylyň ahyryna çenli “Hytaý-Ýewropa” ýük otlusy bilen daşalan harytlaryň bahasy 426,4 milliard ABŞ dollaryna ýetdi. Forumda çap edilen hasabata görä, 2013-2024 ýyllar aralygynda bu görkeziji takmynan 33 esse artdy, Hytaý bilen Ýewropanyň arasyndaky haryt dolanyşygynda ýük otlylarynyň paýy bolsa 0,4 göterimden 8,5 göterime çenli ýokarlandy.
