Sinszýanyň iň iri porty birinji çärýekde 85 000 awtomobil eksport edip, rekord görkeziji hasaba aldy
Hytaýyň awtomobil eksporty boýunça iň iri gury ýer porty bolan, ýurduň demirgazyk-günbataryndaky Sinszýan-Uýgur awtonom sebitindäki Horgos porty şu ýylyň birinji çärýeginde awtomobilleriň eksport mukdarynyň rekord derejesini hasaba aldy.
Çärşenbe güni Horgos gümrükhanasy tarapyndan çap edilen statistikanyň maglumatlaryna görä, birinji çärýekde port arkaly 85 000 awtomobil eksport edildi, bu bolsa geçen ýylyň degişli döwri bilen deňeşdirilende 13,1% köpdür.
Gazagystan bilen serhetleşýän bu port, hytaý awtomobilleriniň, aýratyn-da täze energiýa çeşmeli ulaglaryň (NEV) halkara bazarlaryna çykmagy üçin «altyn geçelgä» öwrüldi.
Gümrükhananyň berýän maglumatlaryna görä, hytaýyň täze energiýa çeşmeli awtomobilleri tehnologik bäsdeşlige ukyplylygy we tygşytlylygy saýasynda Merkezi Aziýada we Russiýada meşhurlyk gazanyp, eksportyň ösmeginde esasy şert boldy.
