Si Szinpin Laosyň ýolbaşçysy Thonglunyň ýörite wekili bilen duşuşdy
Hytaýyň Kommunistik partiýasynyň Merkezi komitetiniň baş sekretary we Hytaýyň Başlygy Si Szinpin sişenbe güni Pekinde Laosyň Halk-rewolýusion partiýasynyň Merkezi komitetiniň baş sekretary we Laosyň Prezidenti Thonglun Sisulit tarapyndan iberilen ýörite wekili Saleumsaý Kommasit bilen duşuşdy.
Si Szinpin iki partiýanyň arasynda ýörite wekiller arkaly möhüm syýasy meseleler boýunça özara habar alyşmagyň taraplaryň arasynda çuňňur däp bolup gelýän dostlugy we ýokary derejeli syýasy ynanyşmagy görkezýändigini aýtdy.
Si Szinpin şu ýyl ikitaraplaýyn diplomatik gatnaşyklaryň ýola goýulmagynyň 65 ýyllygy hem-de hytaý-laos dostluk ýylynyň bellenilmegini nygtap, özüniň hem-de Thonglunyň ýakynda hat alyşandygyny we hytaý-laos umumy geljekli bileleşigini ösdürmek boýunça möhüm ylalaşyga gelnendigini aýtdy.
Si Szinpin Laosyň Halk-rewolýusion partiýasynyň Merkezi komitetiniň Thonglunyň güýçli dolandyryşy astynda partiýanyň, hökümetiň we halkyň ähli kynçylyklary ýeňip geçip, maksatlaryna ýetjekdigine hem-de sosialistik ösüş ýolunda öňe ilerlejekdigine ynam bildirdi.
Si Szinpin täze taryhy tapgyrda taraplaryň sosializmiň geljegi boýunça strategiki utgaşyklygy berkitmelidigini, hyzmatdaşlygy çuňlaşdyrmalydygyny we umumy kynçylyklary bilelikde çözmelidigini aýtdy.
Ol hytaý-laos umumy geljekli bileleşigini ösdürmek boýunça täze bäş ýyllyk hereket meýilnamasynyň netijeli ýerine ýetirilmegine, ony ýokary standartlara, ýokary hile we ýokary derejä cykarylmagyna hem çagyrdy.
Saleumsaý Si Szinpine Thonglunyň şahsy hatyny gowşurdy hem-de şu ýylyň 6–8-nji ýanwary aralygynda geçirilen Laosyň Halk-rewolýusion partiýasynyň 12-nji gurultaýy barada maglumat berdi.
Ol Hytaýyň uzak ýyllaryň dowamynda içerki durnuklylygy we howpsuzlygy saklap, ykdysady ösüşde uly üstünlikler gazanandygyny we halkara giňişlikdäki ornuny berkidendigini belledi.
Laosyň Si Szinpin tarapyndan öňe sürlen möhüm global başlangyçlary berk goldaýandygyny aýdyp, ýurtlaryň arasynda ähli ugurlar boýunça hyzmatdaşlygy çuňlaşdyrmaga hem-de umumy geljekli bileleşigi ösdürmekde täze üstünlikleri gazanmaga taýýardygyny nygtady.
