Hytaýyň senagat robotlarynyň önümçiligi birinji çärjekde 33,2% artdy
Sişenbe güni Hytaýyň Senagat we maglumat tehnologiýalary ministrligi Pekinde geçirilen metbugat maslahatynda 2026-njy ýylyň birinji çärjeginde Hytaýda senagat robotlarynyň önümçilik göwrüminiň geçen ýylyň degişli döwri bilen deňeşdirilende 33,2% artandygyny mälim etdi.
«2026-njy ýylyň birinji çärjeginde emeli aňyň we beýleki täze tehnologiýalaryň elektronika hem-de sarp ediş harytlarynda ulanylyşy has çalt giňeldi, dronlar we emeli aňly äýnekler ýaly taýýar önümleriň görnüşleri bolsa yzygiderli köpeldi. Senagat robotlarynyň we integral gurluşlarynyň önümçiligi geçen ýylyň degişli döwri bilen deňeşdirilende degişlilikde 33,2% we 24,3% artdy» — diýip, Senagat we maglumat tehnologiýalary ministriniň orunbasary Çžan Ýunmin aýtdy.
Metbugat maslahaty Döwlet geňeşiniň Maglumat býurosy tarapyndan Hytaýyň ýanwar-mart aýlary aralygyndaky senagat we maglumat tehnologiýalarynyň ösüşine bagyşlanyp geçirildi.
