Mozambigiň Prezidenti döwlet sapary bilen Hytaýa geldi
Mozambik Respublikasynyň Prezidenti Daniel Fransisko Çapo penşenbe güni bir hepdelik döwlet sapary bilen Hytaýyň merkezindäki Hunan welaýatynyň Çanşu şäherine geldi. Bu onuň 2025-nji ýylda wezipesine girişeninden bäri Hytaýa amala aşyran ilkinji saparydyr.
Hytaý bilen Mozambigi baglanyşdyrýan dostlukly gatnaşyklar köp ýyllara uzaýar. Diplomatik gatnaşyklaryň ýola goýlan wagtyndan bäri geçen ýarym asyrdan gowrak wagtyň dowamynda hytaý-mozambik dostlugy üýtgeýän halkara ýagdaýlaryň şertlerinde berkemegini dowam etdirýär diýip, sişenbe güni geçirilen metbugat maslahatynda Hytaýyň Daşary işler ministrliginiň wekilini beýan etdi.
Wekiliň sözlerine görä, iki ýurduň arasyndaky özara syýasy ynam çuňlaşýar, dürli ulgamlardaky hyzmatdaşlykda we halkara hem-de sebit meseleleri boýunça ýakyndan özara hereket etmekde ähmiýetli netijeler gazanyldy.
Prezident Daniel Fransisko Çaponyň sapary Hytaý bilen Mozambigiň arasyndaky hemmetaraplaýyn strategik hyzmatdaşlygyň çuňňur ösdürilmegine ýardam eder, şeýle hem täze eýýamda umumy geljegi bolan hytaý-afrika jemgyýetiniň gurulmagyna we Ählumumy Günorta ýurtlarynyň agzybirliginiň hem-de hyzmatdaşlygyň berkidilmegine goşant goşar diýip, wekil belledi.
