Hytay-Russiýa gatnaşyklaryndaky durnuklylyk we ynam durnuksyz hem-de parahat däl dünýäde aýratyn gymmatlydyr: Si Szinpin
Çylşyrymly diýip häsiýetlendirilýän halkara ýagdaýynda, Hytaý-Russiýa gatnaşyklarynyň durnuklylygy we ygtybarlylygy aýratyn gymmatlydyr diýip, Hytaýyň Başlygy Si Szinpin çarşenbe güni Pekinde Russiýanyň Daşary işler ministri Sergeý Lawrow bilen geçiren duşuşygynda belledi.
«Şu ýyl Hytaý bilen Russiýanyň arasyndaky strategik utgaşdyryjy hyzmatdaşlygyň 30 ýyllygy we Hytaý bilen Russiýanyň arasyndaky hoşniýetli goşunçylyk we dostlukly hyzmatdaşlyk baradaky Ylalaşygyň 25 ýyllygy bellenilýär. Köp ýyllaryň dowamynda meniň we Prezident Putiniň strategik ýolbaşçylygynda, Hytaý bilen Russiýanyň arasyndaky hemmetaraplaýyn strategik utgaşdyryjy hyzmatdaşlyk ösüşiň ýokary derejesini we dürli ulgamlarda netijeli hyzmatdaşlygyň miwelerini saklap gelýär. çylşyrymly diýip häsiýetlendirilýän halkara ýagdaýynda, Hytaý-Russiýa gatnaşyklarynyň durnuklylygy we ygtybarlylygy aýratyn gymmatlydyr, Hytaý bilen Russiýanyň arasyndaky hoşniýetli goşunçylyk we dostlukly hyzmatdaşlyk baradaky Ylalaşygyň ýokary durmuş ukyby we nusgawy ähmiýeti bolsa has-da aýdyň görünýär» diýip, Si Szinpin aýtdy.
«Bu duşuşyk siziň Russiýa we Hytaýyň täze döwür üçin utgaşdyryjylyk ulgamyndaky hemmetaraplaýyn strategik hyzmatdaşlygyna berýän ähmiýetiňizi görkezýär. Russiýa we Hytaý söwda, ykdysadyýet, maýa goýumlary, ynsanperwer we medeni alyş-çalyş ulgamlaryndaky hyzmatdaşlykda durnukly ösüşi görkezýärler. Siz we Prezident Putin iki ýurduň arasyndaky geljekki hyzmatdaşlygyň meýilnamasyny işläp düzdüňiz» diýip, Sergeý Lawrow belledi.
Lawrow, Hytaýyň Kommunistik partiýasynyň Merkezi Komitetiniň Syýasy býurosynyň agzasy we Hytaýyň Daşary işler ministri Wan Inyň çakylygy boýunça sişenbe we çarşenbe günleri Hytaýda resmi saparda boldy.
