Hytaýda rekord derejedäki gerim bilen Kanton ýarmarkasy açyldy
Çarşenbe güni Hytaýyň günortasyndaky Guandun welaýatynyň Guançžou şäherinde "Kanton ýarmarkasy" ady bilen hem tanalýan 139-njy Hytaýyň import we eksport sergisi açyldy. Sergi meýdançalarynyň gerimi, gatnaşyjylaryň we eksponentleriň sany rekord derejelere ýetdi.
Sergi 1,55 million inedördül metr meýdany tutýar we öz içine 75 700 diwarlygy hem-de 32 000-den gowrak gatnaşyjy kärhanany alýar, olaryň takmynan 3900-si öz taslamalaryny ilkinji gezek hödürleýärler.
Sergi zolaklarynyň sany 179-a çenli köpeldi, muňa "akylly" göteriji enjamlara, displeý tehnologiýalaryna, sarp ediş dronlaryna, modully öýlere we bagçylyk enjamlaryna bagyşlanan dokuz sany täze bölüm hem girýär. 15-nji aprel - 5-nji maý aralygynda geçirilýän sergi üç sany aýry tapgyrdan ybarat bolup, olaryň her biri "öňdebaryjy önümçilik", "ýokary hilli öý durmuşy" we "has gowy durmuş" ýaly dürli görnüşlere gönükdirilendir.
1957-nji ýylda esaslandyrylan Kanton ýarmarkasy Guançžouda ýylda iki gezek geçirilýär. Bu Hytaýdaky iň dowamly iri halkara söwda çäreleriniň biridir we oňa başgaça Hytaýyň daşary söwdasynyň "barometri" diýlip aýdylýar.
