Hytaý Içki Mongoliýada gaýtadan dikeldilýän energiýa çeşmelerini we kömri utgaşdyryp, synag erkin söwda zolagyny döredýär
Täze döredilen Hytaýyň (Içki Mongoliýa) synag erkin söwda zolagynyň goşny ýurtlar bilen hemmetaraplaýyn ösüşi çuňlaşdyrmaga we umumy ykbal jemgyýetini gurmaga ýardam etjekdigini mälim etdi. Muny durmuşa geçirmekde Içki Mongoliýa awtonom sebitiniň özboluşly artykmaçlyklaryndan peýdalanylar diýip, anna güni Pekinde hökümetiň resmi wekili mälim etdi.
Hytaýyň 23-nji synag erkin söwda zolagy bolan bu täze zolak, Içki Mongoliýanyň ýurduň demirgazyga tarap açylmagyndaky esasy strategik binýat hökmündäki ornundan peýdalanmaga niýetlenendir. Onuň maksady — üç-bäş ýylyň dowamynda bu ýeri kämilleşdirilen maýa goýumlary we söwdasy, ösen innowasion ekoulgamy, bäsleşige ukyply senagat klasterleri hem-de işjeň halkara alyş-çalyşlary bilen tapawutlanýan ýokary derejeli erkin söwda zolagyna öwürmekdir.
Döwlet geňeşiniň brifinginde eden çykyşynda Söwda ministrliginiň Synag erkin söwda zolaklaryny utgaşdyrmak we erkin söwda portlarynyň gurluşygy departamentiniň ýolbaşçysy He Ýunsýan, Içki Mongoliýanyň Hytaý-Mongoliýa-Russiýa ykdysady geçelgesiniň möhüm çatrygydygyny mälim etdi. Şeýle hem ol, bu maksatnamanyň Hytaýyň demirgazygyndaky Içki Mongoliýanyň täze synag erkin söwda zolagynyň goşny ýurtlar bilen hemmetaraplaýyn ösüşini çuňlaşdyrmaga ýardam etjekdigini belledi.
«Umumy meýilnama täze synag erkin söwda zolagynyň geografik artykmaçlyklaryndan has giňişleýin peýdalanmagy, Hytaý-Ýewropa demir ýol ekspressiniň hyzmat ediş netijeliligini, ugur ulgamlaryny we portlardaky gümrük amallaryny kämilleşdirmegi goldaýar. Şeýle hem, demirgazyk sebitleriň açylmagy üçin ulag infrastrukturasyny has-da giňeltmek we ulag akymlaryny ykdysady ösüşe öwürmek maksady bilen, Erenhotdan Ulan-Batora çenli göni giň zolakly demir ýolunyň gurluşygy ýaly çäreleri teklip edýär» — diýip, ol belledi.
Munuň bilen birlikde, synag erkin söwda zolagy söwda we maýa goýum ugurlarynda hyzmatdaşlygy berkider. Meýilnama önüm importy, karantin we barlag ýaly pudaklarda serhetüsti hyzmatdaşlygy güýçlendirmegi goldap, söwdanyň hiliniň ýokarlanmagyna ýardam eder.
Maýa goýum çygrynda bolsa, maksatnama saglygy goraýyş we syýahatçylyk ýaly esasy ugurlarda daşary ýurt maýa goýumlaryna goýulýan çäklendirmeleri ýeňilleşdirmegi, şeýle hem «ýaşyl» ösüş, sanly ykdysadyýet, oba hojalygy we beýleki pudaklarda halkara hyzmatdaşlygy üçin täze mümkinçilikleri giňeltmegi goldaýar.
Munuň bilen birlikde, maksatnama abraýly halkara sport çärelerini geçirmegi, göreş we ýaýdan ok atmak ýaly sport görnüşleriniň serhetüsti syýahatçylyk bilen utgaşmagyna ýardam bermegi, Hytaý bilen Mongoliýanyň arasyndaky serhetüsti ykjam tölegleriň özara baglanyşygyny goldamagy, şeýle hem daşary ýurt bazarlaryna gönükdirilen lukmançylyk ätiýaçlandyryşy boýunça has köp täjirçilik önümleriniň ösdürilmegini göz öňünde tutýar. Bu çäreler hyzmat ediş derejesini has-da ýokarlandyrmaga, hyzmatlar söwdasynyň gerimini giňeltmäge we hyzmat sarp edilişiniň mümkinçiliklerini açmaga gönükdirilendir.
Umumy meýilnama laýyklykda, synag erkin söwda zolagy bellenilen üç sany zolakda jemi 119,74 inedördül kilometr meýdany ýagny sebit paýtagty Huhhotda 76,28 inedördül kilometri, Mançžouli içerki portunda 25,11 inedördül kilometri we Erenhot içerki portunda 18,35 inedördül kilometri öz içine alýar.
Mundan ozal Hytaý Şanhaý, Guandun, Lýaonin, Haýnan, Şandun we Pekin ýaly sebitlerde 22 sany synag erkin söwda zolagyny döredipdi. Ondan öňki iň soňkysy bolsa 2023-nji ýylda döredilen Hytaýyň (Sinszýan) synag erkin söwda zolagydyr.
