Hytaýda elektrik energiýasynyň sarp edilişi oktýabr aýynda 10,4 göterim artdy
Hepdäniň çarşenbe güni resmi çeşmelerden gelen maglumatlara görä, Hytaýyň ykdysady işjeňliginiň esasy görkezijisi bolan elektrik energiýasynyň sarp edilişi soňky iki aýda ep-esli ýokarlandy.
Milli Energetika Müdiriýetiniň berýän habaryna laýyklykda, elektrik energiýasynyň sarp edilişi oktýabr aýynda geçen ýyl bilen deňeşdirilende 10,4 göterim artyp, 857,2 milliard kilowatt-sagada ýetdi.
Umumy senagat pudagynda elektrik energiýasynyň sarp edilişi geçen ýyl bilen deňeşdirilende 6,4 göterim artdy, hyzmat ediş pudagynda bolsa 17,1 göterim artdy. Ýaşaýjylaryň elektrik energiýasyny sarp edişi geçen ýyl bilen deňeşdirilende 23,9 göterim artyp, jemi 115,5 milliard kilowatt-sagada ýetdi.
Şu ýylyň ýanwar aýyndan oktýabr aýyna çenli Hytaýda umumy elektrik energiýasynyň sarp edilişi 5,1 göterim artyp, takmynan 8,62 trillion kilowatt-sagada ýetdi.
