Kanton ýarmarkasy rekordlary täzeler — Guançžouda öňdebaryjy tehnologiýaly 179 zolak hödürlener
Şu ýyl Hytaýyň import we eksport ýarmarkasy (Kanton ýarmarkasy) ýöriteleşdirilen sergi zolaklarynyň sany boýunça rekord goýar — olaryň sany 179-a ýeter, şol sanda 9-sy täze bolar. Täze zolaklar akylly dakynylýan enjamlara, displeý tehnologiýalaryna, sarp edijiler üçin dronlara, toplumlaýyn ýaşaýyş toplumlaryna we bag-bakja desgalaryna bagyşlanar diýip, anna güni Söwda ministrliginiň wekili habar berdi.
139-njy ýarmarka 15-nji aprelden 5-nji maý aralygynda Guançžouda (Hytaýyň günortasyndaky Guandun welaýaty) geçiriler.
Resmi wekilleriň aýtmagyna görä, çäre üç görkeziji boýunça rekord goýar: sergi meýdany — 1,55 million inedördül metr bolar, bu bolsa takmynan 217 futbol meýdançasyna deňdir; diwarlyklaryň sany — 75 müň 700 sany; şeýle hem gatnaşýan kompaniýalaryň sany — 32 müňden gowrak şol sanda öz önümlerini ilkinji gezek hödürleýän 3 müň 900-e golaý kompaniýa gatnaşar.
Söwda ministrliginiň Daşary söwda departamentiniň baş direktory Wan Çžihua taýýarlyk işleriniň tamamlanandygyny mälim etdi. Ol ýarmarkanyň giňeldilen germini we tehnologik artykmaçlygyny aýratyn belledi. Onuň sözlerine görä, şu ýylky çäre diňe bir gerimi boýunça rekord goýman, eýsem Hytaýyň täze pudaklary ösdürmäge we sanly innowasiýalara bolan maksatlaryny hem görkezer.
Wan Çžihua özboluşly önümleri öndürmek üçin çylşyrymly tehnologiýalary ulanýan ýokary hilli kärhanalaryň sanynyň 11 müňden geçjekdigini, munuň bolsa geçen ýyllardakydan 5,1% köpdügini habar berdi. Şunda şeýle kompaniýalaryň 61%-i önümçilikde ýa-da hyzmatlarda täze tehnologiýalary we modelleri, şol sanda senagat internetini, emeli aň ulgamlary, 5G-ni, şeýle hem ekologik taýdan arassa we pes uglerodly tehnologiýalary ulanýarlar.
Kanton ýarmarkasy — Hytaýyň irki toplumlaýyn söwda çäresidir. Ol 1957-nji ýylda esaslandyryldy we şu wagta çenli 138 gezek geçirildi. Geçen döwürde ýarmarka Hytaýyň dünýäniň 229-dan gowrak ýurdy we sebiti bilen gatnaşyklaryny berkitmäge ýardam etdi we ýurduň daşary söwdasynyň “barometrine” öwrüldi.
