Syçuan welaýatynda suw-batgalyk ýerleri gorap saklamakda üstünlikler gazanyldy
Hytaýyň günorta-günbataryndaky Syçuan welaýatynyň Aba Tibet-Sýan awtonom okrugynda ýerleşýän Ruoergaý milli tebigy goraghanasynda soňky ýyllarda ekologik ýagdaýyň has-da gowulanýandygyna gözegçilik edilýär.
1994-nji ýylda esaslandyrylan goraghana, gara boýunly durna ýaly seýrek duş gelýän görnüşleriň mekany bolan ýerli torf-batgalyk ekoulgamyny goramaga gönükdirilendir.
Özüniň aýlawly derýalary, kölleri, batgalyklary we giň çemenlikleri bilen tanalýan bu ýer 1998-nji ýylda milli goraghana derejesine eýe boldy we 2008-nji ýylda halkara ähmiýetli suw-batgalyk ýer hökmünde ykrar edildi.
Ýerli häkimiýetler tarapyndan daşky gurşawy goramak boýunça görlen düýpli çäreler, şeýle hem ýerli ilatyň ýaşaýyş şertlerini gowulandyrmaga bolan maksatlary netijesinde, soňky ýyllarda goralýan çäklerde ekologik ýagdaý yzygiderli gowulanýar.
Möhüm suw gorag zolagy hökmünde Ruoergaý Huanhe derýasynyň ýokary akymyna gelýän suwuň 29-dan 50 göterimine çenlisini kabul edýär. Şeýle-de ol 7,1 milliard kub metr torf ätiýaçlygy bilen atmosferadaky uglerody siňdiriji iň möhüm sebitleriň biri bolup hyzmat edýär.
