139-njy Kanton ýarmarkasyna 190 müňden gowrak daşary ýurtly alyjy hasaba alyndy
Duşenbe gününe çenli 139-njy Hytaý import-eksport ýarmarkasyna, ýagny Kanton ýarmarkasyna, 190 müňden gowrak daşary ýurtly alyjy öňünden hasaba alyndy. Bu bolsa çäräniň açylmagynyň öňüsyrasynda dünýä derejesinde uly gyzyklanmanyň bardygyny görkezýär.
Hasaba alnanlaryň takmynan 140 müňüsi «Bir guşak, bir ýol» başlangyjyna gatnaşyjy ýurtlara we sebitlere wekilçilik edýär. Aýry alyjylaryň işjeň gatnaşmagyndan başga-da, korporatiw we institusional gurluşlar bilen hyzmatdaşlygyň derejesi hem ýokary bolmagynda galýar. Şeýlelikde, 286 sany öňdebaryjy satyn alyjy kärhana öz gatnaşygyny tassyklady, 146 sany daşary ýurt senagat we söwda guramasy bolsa ýarmarka wekiliýetlerini ibermegi meýilleşdirýär.
Kanton ýarmarkasy 1957-nji ýyldan bäri her ýylyň ýaz we güýz möwsümlerinde Günorta Hytaýyň Guandun welaýatynyň Guançžou şäherinde geçirilýär. Bu ýurtdaky iň gadymy giň gerimli halkara söwda çäresi bolup, Hytaýyň daşary söwdasynyň barometri hasaplanýar. Ýarmarka öz taryhynda 138 sessiýa geçirip, dünýäniň 229-dan gowrak ýurtlary we sebitleri bilen söwda gatnaşyklaryny ýola goýmaga ýardam berdi.
Nobatdaky 139-njy sergi 2026-njy ýylyň 15-nji apreli bilen 5-nji maýy aralygynda geçirilmegi meýilleşdirilýär.
