Sinzianda giň geçelgeli, aýlanýan köprüniň gurluşygy tamamlandy
Hepdäniň sişenbe güni Hytaýyň demirgazyk-günbataryndaky Sinzian-Uýgur awtonom welaýatynda uly awtoýoluň ugrunda giň geçelgeli, aýlanýan köprüniň gurluşygy tamamlandy.
Sinzianyň Turpan şäheriniň Şanşan etrabynda ýerleşýän aýlanýan köpriniň gurluşygy, Hytaýyň gündogaryndaky Szýansu welaýatynyň Lianýungan şäherini, Sinzianyň Horgos şäherine ýanaşyk Hytaý-Gazagystan serhedi bilen birleşdirýän G30 uly awtoýoluny giňeltmek taslamasynyň bir bölegidir.
Gurluşygy tamamlanan bu köpri millimetr ölçegindäki takyklykda, sagat diliniň tersine 61 gradus öwrülmek bilen 70 minutda doly aýlanyp bilýär.
Sinzianyň Hami we Tuýugou şäherlerini birleşdirýän bu taslamanyň uzynlygy 345 kilometre barabardyr. Ulanyşa girizileninden soň, bu taslama ýol gatnawlaryny ep-esli derejede artdyrmagyna garaşylýar.
