Robotlaşdyrylan eli bolan ilkinji hytaý täjirçilik hemrasy orbitada ýangyç guýmak synagyny tamamlady
Çeýe robotlaşdyrylan manipulýator bilen enjamlaşdyrylan, öz görnüşindäki ilkinji hytaý täjirçilik synag hemrasy “Yuxing 3-06” golaýda orbitada ýangyç guýmak we esasy tehnologiýalary barlamak synaglaryny tamamlady.
Bu synaglar “kosmos ýangyç guýş bekedi” diýlip atlandyrylýan “Yuxing 3-06” hemrasy üçin orbitadaky beýleki hemralara ýangyç guýmak, kosmos galyndylaryny dolandyrmak we orbitada beýleki hyzmatlary ýerine ýetirmek üçin ýollary açýar.
“Yuxing 3-06” beýleki ýedi sany hemra bilen bilelikde, Pekin wagty boýunça 16-njy martda Hytaýyň demirgazyk-günbataryndaky Szýusýuan kosmodromyndan “Kuaizhou-11 Y7” göteriji raketasy arkaly kosmosa goýberildi.
Hytaýyň Hunan ylym we tehnologiýa uniwersiteti hem-de “Suzhou Sanyuan Aerospace Technology Co., Ltd” kompaniýasy tarapyndan bilelikde işlenip düzülen bu hemra, şeýle hem Ýere gözegçilik etmek ukybyna eýedir.
