Şanhaýda 2026-njy ýylyň Formula-1 boýunça Hytaý Gran-prisine resmi taýdan badalga berildi
Şanhaýyň halkara awtodromynda 2026-njy ýylyň Formula-1 boýunça Hytaý Gran-prisine resmi taýdan badalga berildi. Bu waka dünýäniň dürli künjeklerinden awtoýaryşlaryň muşdaklarynyň örän köp sanlysyny bir ýere jemledi.
Eýýäm anna güni irden sagat sekizden başlap, dünýä derejesindäki ýaryşlary görmäge höwesli muşdaklar münberiň girelgesinde uzyn nobatlara düzüldiler. Tomaşaçylaryň arasynda Russiýadan, Täze Zelandiýadan we Awstraliýadan gelen köp sanly daşary ýurtly myhmanlar bar. Olaryň köpüsi üçin Hytaýdaky tapgyra gatnaşmak köp wagtdan bäri edip gelýän arzuwlarydy.
Sport maksatnamasy birinji türgenleşik tapgyry bilen başlandy, esasy sprint we kwalifikasiýa ýaryşlary ýekşenbe gününe çenli dowam etdi. Ýekşenbe güni bolsa final ýaryşy geçirildi.
Şu möwsümde tehniki düzgünnamadaky çynlakaý üýtgeşmeler sebäpli toparlaryň arasyndaky bäsdeşlik has-da ýitileşdi. Deslapky çaklamalara görä, üç günlük ýaryşa 230 müňden gowrak tomaşaçy gatnaşar. Şunda muşdaklaryň umumy sanynyň 14 göterimini daşary ýurt raýatlary düzýär.
Şu ýyl guramaçylar ýerli medeniýete aýratyn üns berdiler. Ýaryşlaryň arakesmelerinde myhmanlar däp bolan aşhanalar we halk döredijiliginiň ajaýyp eserleri bilen tanyşyp bilerler.
Şuňa görä-de, meşhur şanhaý çorbasy bilen taýýarlanylýan böregi uly meşhurlykdan peýdalanýar. Bu nusgawy tagamlara hatda Formula-1boýunça ýaryş akademiýasynyň direktory Aleksandr Wurts hem ýokary baha berdi.
Mundan başga-da, meýdançada şuçžou keşdesi we bambukdan ýasalan nakgaşçylyk işleri ýaly özboluşly el işleri hem hödürlenendir.
Şeýlelik bilen, Şanhaýdaky Gran-pri diňe bir sport däl, eýsem möhüm medeni waka hem öwrüldi.
