Hytaý OpenClaw Emeli intellektini ulanmakda töwekgelçiligiň bardygyny duýdurýar
Hytaý Senagat we maglumatlar tehnologiýalary ministrligi açyk çeşme OpenClaw emeli intellekt kömekçisiniň standart ýa-da nädogry sazlamalarda ulanylanda belli bir töwekgelçilikleri döredip, ulanyjylaryň kiberhüjümlere we maglumatlarynyň ogurlanmagyna sezewar bolup biljekdikleri barada duýdurdy.
Awstriýaly işläp düzüjisi Peter Ştainberger tarapyndan döredilen OpenClaw emeli intellekt, kompýuterlere uly dil modellerini awtonom dolandyrmaga, faýllary işlemeklige, buýruklary ýerine ýetirmeklige we WhatsApp ýa-da Telegram ýaly programmalarda aragatnaşyk saklamaga mümkinçilik berýär.
Ministrligiň Milli Maglumatlary Goraýyş gory OpenClaw emeli intellekti ulanylanda nygtybarly rugsat beriş, barlag we howpsuzlyk usullary bolmasa, maglumat akymlary we enjamlaryň daşardan dolandyrylmagy ýaly töwekgelçilikleriň ýüze çykýandygyny nygtaýar. Töwekgelçilikler emeli intellekt agentiniň “gümürtik ynamly” işlemegi, awtonom karar kabul etmegi we ulgamy hem-de daşarky serişdeleri ulanyp bilmegi bilen baglanyşyklydyr.
Bilermenler halka açyk tor aragatnaşygyny çäklendirmegi, şahsyýet barlagyny, rugsat dolandyryşyny, maglumat şifrlemesini we howpsuzlyk barlaglaryny güýçlendirmegi, şeýle-de resmi howpsuzlyk duýduryşlaryny yzygiderli yzarlamagy maslahat berýärler.
