ytaýyň JIÖ 2025-nji ýylda 20 trillion ABŞ dollaryndan geçer
H
Milli statistika býurosynyň maglumatlaryna görä, dünýädäki durnuksyzlyga garamazdan, Hytaý 2025-nji ýylda ykdysady ösüş boýunça meýilleşdirilen görkezijisine ýetdi: ýurduň jemi içerki önümi (JIÖ) geçen ýyl bilen deňeşdirilende 5 göterim atyp, 140 trillion ýuandan (takmynan 20,3 trillion ABŞ dollary) geçdi.
Ilatyň jan başyna düşýän JIÖ-niň mukdary bolsa 5,1 göterim ýokarlanyp, takmynan 100 000 ýuana (takmynan 14 500 ABŞ dollary) ýetdi. Umumy zähmet öndürijiligi 6 göterimden gowrak artyp, JIÖ-niň ösüşinden 1,1 göterim öne geçdi.
Täze hilli önümçilik güýçleri durnukly ösüş depginini görkezdi. Ýokary tehnologiýaly önümçiligiň goşulan bahasy 9,4 göterim artyp, bellenen ölçegden ýokary bolan senagat kärhanalarynyň umumy sanynyň 17,1 göterimini emele getirdi.
“Ýaşyl” we pes uglerodly özgeriş hem uly netijeleri berdi. Hytaý özüniň “ýaşyl” geçişinde hem öňe saýlandy. Arassa energiýanyň sarp edilişi ählihalk görkezijisiniň 30 göteriminden geçdi, her 10 000 ýuan (takmynan 1451 ABŞ dollary) JIÖ-e düşýän kömürturşy gazynyň zyňyndylary bolsa 2024-nji ýyl bilen deňeşdirilende 5 göterim azaldy.
