Şanhaýda düşürilen filmler 2026-njy ýylyň Bahar baýramy möwsüminiň kassa girdejilerinde öňdeligi eýeledi
Şanhaý 2026-njy ýylda Hytaý Täze ýylynyň kino möwsüminde doly derejede agalyk etdi. Şäher
filmleriň öňdebaryjy öndürijisi bolmak bilen bir hatarda, «Pegas 3» atly blokbasteriň uly
üstünligi we ýerli sarp edişiň ýokary derejesi netijesinde, ýurduň iň ýokary kassa girdejisine eýe
bolan şäher boldy.
Hytaýyň Kino işleri boýunça müdirliginiň sişenbe güni çap eden maglumatlaryna görä, duşenbe
güni tamamlanan Hytaý Täze ýyly mynasybetli dokuz günlük dynç alyş döwründe ýurduň
umumy kassa girdejisi 5,75 milliard ýuana (takmynan 828,65 million ABŞ dollary) deň bolup,
tomaşaçylaryň umumy sany bolsa 120 million adama ýetdi.
Bu üstünlükde şanhaýly studiýalaryň düşüren filmleri möhüm orun eýeledi. Olaryň arasynda
«Pegas 3» 2,927 milliard ýuan girdeji gazanyp, kassa sanawynda birinji orny eýeledi. Şanhaý
studiýalarynyň beýleki iri görkezilişe «Per Aspera Ad Astra», «Scared Out» we «Boonie Bears:
The Hidden Protector» filmleri girýär. Bu filmler komediýa we ylmy-fantastikadan başlap,
animasiýa hem-de içaly trillerlerine çenli dürli žanrlary öz içine alýar.
Bahar baýramy döwründe Şanhaý şäheriniň kassa girdejisi 196 million ýuana ýetip, şäheriň
bäşinji ýyl yzygiderli birinji orny eýelemegine mümkinçilik berdi. Şeýle hem bu döwürde
kinoteatrlara 3,64 milliondan gowrak gelip görmeklik we 115 800 seans hasaba alyndy, bu bolsa
ýurt boýunça iň ýokary görkezijidir.
Pudagyň seljerijileriniň pikirine görä, Şanhaýyň ýokary netijeleri iki esasy artykmaçlyk bilen
düşündirilýär. Teklip tarapyndan seredeniňde, şäher kinoteatrlaryň we seanslaryň sany boýunça
öňdebaryjydyr, bu bolsa tomaşaçylaryň dürli isleglerini kanagatlandyrmak üçin ýeterlik
mümkinçilik döredýär. Isleg tarapyndan bolsa, Şanhaýda kinoteatrlara höwesli tomaşaçylaryň
sany ýokary we onuň ýyllyk tomaşaçylaryň sany 2023-nji ýyldan 2025-nji ýyla çenli ýurtda
birinji orny eýeledi.
Sarp edişi has-da höweslendirmek maksady bilen, Şanhaýyň Kino müdirligi onlaýn platformalar
bilen hyzmatdaşlykda 15 million ýuan möçberinde bahar baýramy üçin wauçerleri satmak
çäresini ýola goýdy. Bu başlangyç Milli Kino işleri boýunça müdirligiň «2026-njy ýyl — Kino
ykdysadyýetini ösdürmegiň ýyly» atly maksatnamasyna hem laýyk gelýär. Maksatnama kino
pudagyny restoran biznesi, syýahatçylyk we medeni serişdeler bilen utgaşdyrýan synag
taslamalaryny öňe sürüp, goşmaça sarp ediş mümkinçiliklerini açmagy göz öňünde tutýar.
«Biz bir kino bileti arkaly tutuş şäheri janlandyrdyk. Mysal üçin, “Hongkou etrabyndaky
kinoteatr” atly kiçi maksatnama bir kino bileti bilen kino bilen baglanyşykly 30-a golaý medeni
ýadygärligi birleşdirýär. Bu hakykatdan hem “kino + syýahatçylyk” syýasatyny durmuşa
geçirýär. Şeýle hem umumy ykdysadyýeti ösdürmek we sarp ediş bazarynyň derejesini
ýokarlandyrmak üçin sanly gurallardan peýdalandyk», — diýip, Şanhaý uniwersitetiniň Şanhaý
Kino akademiýasynyň dosenti Çen Sýaoda aýtdy.
