Ýanszy derýasynyň deltasy — 2025-nji ýylda ykdysadyýetiň we eksportyň rekord görkezijileri
Ýanszy derýasynyň deltasynyň sebitleýin hyzmatdaşlygy müdirliginiň iň soňky maglumatlaryna görä, sebitiň umumy ykdysady önümçiliginiň möçberi 2025-nji ýylda 34,66 trillion ýuana (takmynan 5,07 trillion ABŞ dollaryna) ýetdi. Bu sebit üçin täze rekord görkezijisidir.
Ýanszy deltasyndaky «ykdysadyýetiň möçberi trillion ýuana barabar bolan şäherleriň» sany ona ýetdi. Olar Hytaýyň şeýle derejeli şäherleriniň umumy sanynyň üçden birinden gowragyny düzýär. Olaryň hataryna: Şanhaý, Suçžou, Hançžou, Nankin, Ninbo, Usi, Hefey, Nantun, Çançžou we Wençžou girýär.
Sebitiň umumy eksport möçberi 10,85 trillion ýuana deň boldy. Bu tutuş ýurt boýunça görkezijiniň 40,2%-e deňdir. Bu hakykat Ýanszy derýasynyň deltasynyň ýurduň ykdysady ösüşiniň kuwwatly we depginli hereketlendiriji güýji hökmündäki ornyny ýene bir gezek tassyklaýar.
Ýanszy derýasynyň deltasy sebiti Hytaýyň gündogaryndaky Şanhaý munitsipalitetini hem-de Szýansu, Çžeszýan we Anhoý welaýatlaryny öz içine alýar. Ol ýurduň has depginli, açyk we innowasion sebitleriniň biri hasaplanýar. Hut Ýanszy deltasy milli ösüşde esasy orny eýeleýär we ulag hyzmatlaryna bolan ýokary islegi şertlendirýär.
