2025-nji ýylda Hytaýyň kiçi we orta kärhanalary durnuklylygyny sakladylar
Senagat we maglumatlar tehnologiýalary ministrliginiň maglumatlaryna görä, Hytaýyň kiçi we orta kärhanalary 2025-nji ýylda ykdysadyýetde özleriniň durnuklylygyny görkezdiler.
Bellenen ölçegden ýokary kiçi we orta kärhanalaryň goşulan gymmaty geçen ýyl bilen deňeşdirilende 6.9% ýokarlandy. Bu görkeziji bassyr üçünji ýyl bellenen ölçegden ýokary bolan ähli senagat kärhanalaryndan 1.0 göterim ýokarydyr.
Kiçi we orta kärhanalaryň iş girdejileri 83 trillion 800 milliard ýuana (ýagny 12 trillion 170 milliard ABŞ dollaryna) barabar boldy, bu geçen ýyl bilen deňeşdirilende 2.6% ýokarydyr. Umumy girdejileri bolsa geçen ýyl bilen deňeşdirilende 1.4% ýokarlandy.
Enjam önümçiliginde kiçi we orta kärhanalaryň girdejileri geçen ýyl bilen deňeşdirilende 11.4% ýokarlandy. Kiçi pudaklar güýçli ösüş gazandy: kompýuter, aragatnaşyk we elektron enjamlaryny öndürmekde 49.1%, ösüş demir ýol, gämi gurluşygy we älem senagatynda 22.8% ösüş, awtoulag önümçiliginde bolsa 11.8% ösüş gazandy.
“Kiçi äpetler” diýlip atlandyrylýan kärhanalar goşulan gymmatyň ýyllyk 9.0% ösüşini, umumy girdejiniň ýyllyk 7.0% we iş girdejisiniň möçberiniň 7.9% bolandygyny belläp geçdiler – bularyň ählisi giň senagat pudagynyň görkezijilerinden has ýokary netije görkezdiler.
2025-nji ýylyň dekabrynda kiçi we orta kärhanalaryň eksport indeksi 21 aýlap yzygiderli ösüşde boldy, 52.4% ösüş görkezdi. “Kiçi äpetler” diýlip atlandyrylýan kärhanalaryň eksportynyň bahasy ýyllyk 13.3% ýokarlandy, bu bolsa bellenen ölçegden ýokary ähli senagat kärhanalarynyň ortaça görkezijisinden 11.1 göterim ýokarydyr we olaryň eksportynyň artmagyndaky esasy roluny görkezýändir.
