Hytaýyň robot bazary Bahar baýramy döwründe uly ösüşe eýe boldy
Pudaklaýyn bilermenleriň maglumatlaryna görä, Hytaýyň robot bazary dokuz günlük Bahar baýramy döwründe uly işjeňlik görkezdi. Bu işjeňlige Hytaýyň media toparynyň (CMG) 2026-njy ýylyň Bahar baýramyna bagyşlanan dabaraly konsertindäki çykyşlar itergi berdi.
Maşgala duşuşyklary, baýramçylyk tagamlary we täze ýyl gutlaglary bilen bellenilýän Hytaýyň iň esasy baýramy bolan Bahar baýramy şu ýyl sişenbe gününe düşdi.
Hytaýyň gündogaryndaky Sýansu welaýatynyň Usi şäherinde syýahatçylar akylly robotlar bilen tanyşlyk merkezine gelýän myhmanlar köpçülikleýin ýygnanýarlar. Bu ýerde robotlar deprek çalyp, gyzgalaňly tanslary ýerine ýetirmek bilen syýahatçylary şatlykly garşylaýarlar.
«Men Bahar baýramy mynasybetli geçirilen gala-konsertde robotlaryň çykyşlaryna tomaşa etdim, we bu hakykatdanam täsirli boldy! Men tötänden bu merkeze gabat geldim we robotlar bilen gürrüňdeş bolmagy karar etdim. Bu diýseň gyzykly boldy!» — diýip, ýaş myhman Çžan Çenýu aýtdy.
«Bu köp sanly uly ýaşlylaryň we çagalaryň ünsüni çekdi. Soňky iki günüň dowamynda biziň myhmanlarymyzyň sany adaty günler bilen deňeşdirilende üç-dört esse artdy, kärendesine almak ýa-da satyn almak boýunça ýüz tutmalaryň sany bolsa iki esse golaý köpeldi», — diýip, robotlar bilen tanyşlyk merkeziniň ýolbaşçysy Ge Szifan aýtdy.
Sýansu welaýatynyň Suçžou täze etrabynda hem robotlaryň ýene bir görkeziliş merkezi gülläp ösýär. Bu ýerde robotlar deprek çalmak we arslan tansy ýaly çykyşlary ýerine ýetirýärler. Hatda gelýän myhmanlar ýaryşlarda ussat robotlara garşy güýç synanyşyp bilýärler. Mundan başga-da, robototehnika bilen meşgullanýan dürli kompaniýalar robotlaryň amaly ulanylyşynyň hakyny mysallaryny görkezip, olaryň dürli iş ugurlaryndaky giň mümkinçiliklerini açyp görkezýärler.
“Qingtian Rent” robot kärendesi platformasynyň maglumatlaryna görä, Hytaý Täze ýylynyň bellenilýän günlerinde sargytlaryň sany öňki aý bilen deňeşdirilende takmynan 70 göterim artdy we ýurduň ähli 31 sany dolandyryş sebitini öz içine aldy. Sargytlaryň paýlanyşy güýmenje çäreleri üçin 34 göterime, täjirçilik marketingi üçin 31 göterime, bilim we medeni syýahatçylyk üçin 19 göterime hem-de durmuş we joşgunly wakalar üçin 16 göterime deň boldy.
Şol bir wagtyň özünde, Hytaý Täze ýylynyň gutlaglary, ybadathana ýarmarkalary we söwda merkezlerindäki çäreler ýaly baýramçylyk wakalary bilen bagly sargytlar 54 göterimden gowrak bolup, geçen ýyl bilen deňeşdirilende 76 göterimden gowrak ösüş görkezdi.
«Bahar baýramy döwründe robototehnika pudagyndaky işjeňlik diňe bir pudagyň durnuklylygyny we ägirt uly mümkinçiligini görkezmän, eýsem tehnologiýalaryň barlaghanalardan gündelik durmuşa, ýönekeý görkezilişlerden bolsa amaly ulanylyşa geçmegi üçin uly mümkinçilik döredýär. Güýmenje, täjirçilik hyzmatlary, medeni gatnaşyklar we maşgala aragatnaşygy ýaly ugurlarda islegiň duýdansyz artmagy, robototehnika pudagynyň aýratyn önümleri satmakdan anyk ýagdaýlara gönükdirilen hyzmatlara tarap ugruny üýtgetmegine itergi berýär» — diýip, Hytaýyň maglumat senagaty ösüş merkeziniň geljegi uly pudaklar boýunça ylmy işgäri Çžun Sinlun belledi.
