Makaoda At ýyly mynasybetli suwda ýöriş we dronly feýerwerk gurnaldy
Hepdäniň penşenbe güni – At ýylynyň üçünji gününde uly suwda ýöriş we Hytaý Täze ýylynyň dronly feýerwerkleri Makao şäherine ýagty saçdy – ýerli ýaşaýjylar we şähere gelen myhmanlar baýramçylyk dabaralaryna işjeň gatnaşdylar.
Makao ýörite dolandyryş welaýatynyň Syýahatçylyk edarasynyň maglumatyna görä, bu ýörişde Makaodan, Gonkongdan, Hytaýyň materik böleginden, Portugaliýadan, Ispaniýadan, Italiýadan we beýleki ýerlerden 1300-den gowrak artistler we 17 sany suwda ýüzýän enjamlar gatnaşdylar.
Suwda ýöriş dabarasyndan soň, Makao diňiniň golaýynda 3888 dron feýerwerkleri asmany ýagtylandyrdy, biri-biri bilen sazlaşykly gurnalan pirotehnikalar, saz eserleri, lazer şöhleleri we güller, tans edýän arslan we çapyp barýan at ýaly ajaýyp nagyşlar görkezildi.
Bu ýere gelen syýahatçylar we ýerli ýaşaýjylar milli däp-dessurlaryň we täze tehnologiýanyň biri-biri bilen utgaşdyrylyşyna ýokary baha berdiler. “3888 sany dronyň asmana göterilen pursaty haýran galdyrdy... Men ýurdumyzyň ylmynda we tehnologiýasynda öňegidişligi duýdum. Men ýurdumyzyň mundan beýläk hem gülläp ösmegine umyt edýärin” diýip, syýahatçy Sun Linlin öz pikirini paýlaşdy.
“Dronlar ylmy we tehnologiýany, feýerwerkler bolsa däp-dessury aňladýar. Bu ajaýyp utgaşyklyk maňa uly täsir etdi... Watanymyzyň gülläp ösmegini we güýçlenmegini arzuw edýärin” diýip, Makaonyň ýaşaýjysy Lam Gaa Cyun öz duýgularyny beýan etdi.
