Hytaýyň 240 tonnalyk täjirçilik raketasynyň hereketlendirijisi synagdan geçirildi
Hytaý 240 tonnalyk täjirçilik we gaýtadan ulanylýan raketasynyň hereketlendirijisini 200 sekuntlyk synagdan üstünlikli geçirdi. Synagyň netijeleri boýunça hereketlendirijiniň esasy tehniki görkezijileri dünýä derejesindäki öňdebaryjy ölçeglere laýyk geldi diýip, Hytaýyň Älem Ylmy we Tehnologiýa korporasiýasy hepdäniň penşenbe güni habar berdi.
Älem Ylmy we Tehnologiýa korporasiýasynyň Älem Hereketlendiriji Tehnologiýalary Akademiýasy tarapyndan işlenip düzülen bu ýokary basyşly, basgançaklaýyn otlama siklli, suwuk kislorodda – kerosinde işleýän hereketlendirijisi içerki täjirçilik maksatlary üçin niýetlenendir. Ol geljekde Hytaýyň uly we orta göwrümli gaýtadan ulanylýan göteriji raketalarynda ulanylar.
Bu raketany işläp düzüjileriň bellemegine görä, göteriji raketanyň hereketlendirijisi dünýäde öňdebaryjy hasaplanýan öndürijilik parametrlerine ýetdi.
