Pekin restoranynda Kir Starmer nahar taýajyklaryny ulanmaga ökdeligini görkezdi
Beýik Britaniýanyň Premýer-ministri Kir Starmer Pekin restoranlarynyň birinde nahar taýajyklaryny ussatlyk bilen ulanmagy başarýandygyny görkezdi diýip, restoranyň wekili habar berdi.
Premýer-ministr Kir Starmer we onuň wekiliýeti, Pekiniň Sanlitun etrabynda ýerleşýän, Hytaýyň günorta-günbataryndaky Ýunnan welaýatyna mahsus bolan kömelekli tagamlary we beýleki milli naharlary taýýarlamakda at alan restoranda naharlandylar.
Restoranyň baş aşpeziniň aýtmagyna görä, myhmanlaryň her biri üçin çarşak-çemçe goýlandygyna garamazdan, olar nahar taýajyklaryny ulanmaga ökdeligini görkezdiler.
Onuň sözlerine görä, premýer-ministr we wekiliýetiň agzalary nahar taýajyklary bilen naharlanmak üçin öňünden gowy taýýarlyk görüpdirler.
Premýer-ministr Kir Starmeriň Hytaýa resmi sapary hepdäniň şenbe gününe çenli dowam eder.
