2026-njy ýylyň Bahar baýramynda ýolagçylaryň sanynyň artmagyna garaşylýar
Hytaýda 2026-njy ýylyň Bahar baýramy döwründe sebitara ýolagçy gatnawlarynyň umumy sany 9 milliard 500 milliona – taryhy rekord görkezijä ýetmegine garaşylýar. Bu barada Pekinde geçirilen metbugat ýygnagynda Milli ösüş we özgerişlikler komitetiniň başlygynyň orunbasary Li Çunlin aýtdy.
Bahar baýramy döwründe syýahatçylyk möwsümi 40 günläp, ýagny 2-nji fewraldan 13-nji mart aralygynda dowam eder. Toplumlaýyn seljermelere görä, ýolagçy gatnawlarynda adamlar esasan öz awtoulaglaryny ulanarlar we syýahat etmekligiň jeminiň 80 göterimine golaýyny düzer.
Demir ýol arkaly ýolagçy gatnawy 540 million adama, raýat awiasiýasy arkaly gatnawlar bolsa 95 million ýolagça ýetip biler. Demir ýol ulaglary we uçarlar arkaly syýahat etmeklik hem gündelik iň ýokary görkezijilere ýetmegine garaşylýar.
Ýolagçylaryň gatnawlary boýunça dünýäniň iň işjeň döwri hökmünde tanalýan Bahar baýramy möwsüminde ýüz millionlarça adamlar öz maşgalalary bilen duşuşmak üçin ýolagçy gatnawlaryny amala aşyrýarlar.
2026-njy ýylyň Hytaý Täze ýyly – Bahar baýramy 17-nji fewrala gabat gelýär.
