2026-njy ýylyň Pekin halkara täjirçilik älem sergisinde täze öňegidişlikler görkezildi
Hytaýyň paýtagty Pekin şäherinde hepdäniň anna gününden ýekşenbe güni aralygynda 2026-njy ýylyň halkara täjirçilik älem sergisi geçirildi. Sergide älem pudagynyň öňdebaryjy tehnologiýalary, täze önümçilik çözgütleri we häzirki zaman älem infrastrukturalary giňden tanyşdyryldy.
20 müň inedördül metre golaý meýdanda gurnalan üç günlük sergä bu pudagyň ähli ugurlaryny öz içine alýan 300-den gowrak ýerli we daşary ýurt kompaniýalary gatnaşdy. Sergide raketalar, emeli hemralar hem-de olaryň ulanyş hyzmatlary boýunça soňky gazanylan üstünlikler görkezildi.
Şeýle hem bu serginiň çäklerinde älem pudagyna maýa goýumlary we maliýe hyzmatlary boýunça ýörite meýdança döredildi. Bu ýerde 500-den gowrak ýerli we halkara maýa goýum guramalary jemlenip, olar tehnologiýanyň, senagatyň we maliýe serişdeleriniň utgaşykly ösdürilmegine gönükdirilen toplumlaýyn maýa goýum hyzmatdaşlygyny ilerletmek barada pikir alyşdylar.
