2025-nji ýylda Makao gelen syýahatçylaryň sany 14,7% artdy
Hytaýyň Makaо ýörite administratiw sebitiniň (ÝAS) Statistika we ilat ýazuw müdirligi anna güni beren habarynda, 2025-nji ýylda Makaо ýörite administratiw sebitine gelen syýahatçylaryň sanynyň geçen ýylyň degişli döwri bilen deňeşdirilende 14,7% artandygyny mälim etdi.
Statistika müdirliginiň maglumatlaryna görä, ýylyň dowamynda 40 069 360 syýahatçy hasaba alyndy. Şolaryň içinde bir günlük gelen syýahatçylaryň sany 24,6%, ýatymlaýyn galan syýahatçylaryň sany bolsa 3,1% artdy.
Syýahatçylaryň gelen ýurtlary boýunça aýdylanda, DSEC-niň belleýşi ýaly materiklaýyn Hytaýdan gelen myhmanlaryň sanynyň geçen ýyl bilen deňeşdirilende 18,5% köpeldi. Gonkong ýörite administratiw sebitinden gelenleriň sany 1,7%, Taýwandan gelenleriň sany bolsa 19,4% artdy. Daşary ýurtly syýahatçylaryň sany geçen ýyl bilen deňeşdirilende 13,7% artdy we 2 755 474 adama ýetdi.
Gury ýer arkaly gelmek usuly öňküsi ýaly esasy ýol bolup galdy. Bu ýol bilen 33,084 milliondan gowrak syýahatçy geldi, bu bolsa umumy syýahatçylaryň 82,6% düzýär we geçen ýyl bilen deňeşdirilende 19,1% ösüş derejesini görkezdi.
