“CGTN” Bahar baýramy we At ýyly mynasybetli halkara bäsleşigi yglan etdi
Hytaýyň Global telewizion tory "CGTN" öňde boljak Bahar baýramy we Hytaý senenamasy boýunça At ýylynyň başlanmagy mynasybetli “Atlar barada hemme zat” atly halkara döredijilik bäsleşigini yglan etdi.
Dürli ýurtlaryň ýaşaýjylaryna at temasynda el işlerini we döredijilik eserlerini taýýarlap, öz sungat başarnyklaryny görkezmek, şeýle-de hytaý medeniýetinde atyň nyşanyna bolan garaýyşlaryny beýan etmek teklip edilýär.
Gatnaşyjylar arzuw edýän atlarynyň suratyny çekip bilerler, “at” sözini öz ene dilinde ýazyp ýa-da atyň keşbinden ylham alan islendik eseri döredip bilerler. Eserler sosial ulgamlarda #AllThingsHorses heştegi bilen paýlaşylyp, @CGTN akkaunty bellik edilmelidir.
Bahar baýramy, ýagny hytaýyň Täze ýyly, 2026-njy ýylyň 17-nji fewralynda bellenilip geçiler we At ýylynyň başlanmagyny alamatlandyrar. Bu baýram hytaý medeniýetindäki iň möhüm däp-dessurlaryň biri bolup, maşgalanyň bitewüligini, bagtyň we täzelenmegiň umydyny, şeýle-de halk senetçiliginiň we däp-dessurlarynyň saklanmagyny hem-de ösdürilmegini alamatlandyrýar
