Haýnan adasynda girizilen ýörite gümrük amallary Sanya şäherinde paçsyz söwdany ösdürýär
Geçen penşenbe güni Haýnanyň Erkin söwda zolagynda tutuş ada boýunça ýörite gümrük amallary işe girizileninden soň, Sanya şäherindäki harytlaryň paçsyz satylýan dükanlarynda söwda möçberi ep-esli artdy. Hepdäniň duşenbe gününe çenli umumy satuw möçberi 535 million ýuana (ýagny 76.12 million ABŞ dollaryna) ýetip, geçen ýyl bilen deňeşdirilende 50.3 göterim ýokarlandy.
Täze düzgünlere laýyklykda, Haýnanda 30 müň inedördül kilometrden gowrak meýdan, ýörite gümrük barlag-gözegçilik zolagy hökmünde portuň ösüşine uly itergi berýär. Bu düzgün gümrük paçlaryndan boşatmak bilen, salgyt möçberiniň peselmegine we ýönekeýleşdirilen salgyt töleg ulgamy arkaly harytlaryň, serişdeleriň we adamlaryň has erkin hereket etmegine mümkinçilik berýär.
Bu düzgüniň güýje giren ilkinji güni dünýäde iň uly paçsyz söwda zolagy bolan Sanya Halkara paçsyz söwda şäherine 36 müňden gowrak myhman geldi. Bu görkeziji geçen ýyl bilen deňeşdirilende 60 göterimden gowrak artyp, satuwlar bolsa 85 göterim ýokarlandy. Sanýa şäheri boýunça gündelik paçsyz satuwlaryň möçberi bassyr bäş günläp 100 million ýuandan geçdi.
“Satyn alyjylaryň sanyny has-da artdyrmak maksady bilen, Sanya şäherinde 10 million ýuan möçberinde satyn alyş kuponlary paýlandy. Ýylyň ahyrynda paçsyz söwda dükanlarynda geçirilýän mahabat çäreleri Bahar baýramyna çenli dowam eder” diýip, Sanya şäheriniň Söwda müdirliginiň ýolbaşçysy Çžen Konhueý aýtdy.
