Hytaý ulag ulgamyny kämilleşdirer
Hytaýyň ulag pudagy 2025-nji ýylda durnukly ösüşini dowam etdirdi, bu pudakda esasy serişdelere goýlan maýa goýumlary 3.6 trillion ýuandan (511.29 milliard ABŞ dollaryndan) geçdi diýip, hepdäniň sişenbe güni ulag ministriniň orunbasary Li Ýang habar berdi. Bu maýa goýumlary arkaly ýurtda 2000 km-den gowrak ýokary tizlikli täze demir ýollary, 8000 km töweregi tizlikli awtoýollar we bäş sany ýolagçy gatnawlary üçin howa menzilleri ulanyşa girizildi.
“2021-nji – 2025-nji ýyllary öz içine alýan 14-nji bäş ýyllyk maksatnama döwründe ulag infrastrukturasynda sazlaşykly öňegidişlik gazananyldy we esasy milli ulag ulgamy yzygiderli kämilleşdirildi. Ulag pudagynda esasy serişdelere goýlan maýa goýumlary 18.8 trillion ýuana ýetdi, welaýatlaryň 80 göterimden gowragy özgerdilen ulag ulgamy arkaly birleşdirildi we ykdysadyýetiň we ilatyň 90 göterimine hyzmat etdi” diýip, Ulag ministrliginiň toplumlaýyn meýilnamalaşdyryş bölüminiň müdiriniň orunbasary Szin Szindong habar berdi.
Hytaýyň 2026-njy – 2030-njy ýyllary öz içine alýan 15-nji bäş ýyllyk maksatnamasynyň durmuşa geçirilýän döwründe milli ykdysady aýlanyşygy we jemgyýetiň ösüşini güýçlendirmek maksady bilen uly taslamalara, sanly ulgamy ornaşdyrmaklyga, howpsuzlygy berkitmeklige we daşky gurşawy goramak taslamalaryna uly üns berler hem-de ulag ulgamynyň döwrebaplaşdyrylmagy dowam etdiriler.
