Haýnanyň gümrük gullugy Hytaýyň materik sebitine iberilýän harytlary resmileşdirýär
Hytaýyň günortasyndaky Haýnan welaýatynyň gümrük gullugy hepdäniň penşenbe güni dünýäniň iň uly erkin söwda porty bolan Haýnan erkin söwda portunda ada boýunça ýörite gümrük amallaryny tamamlap, materik sebitine iberilýän harytlaryň ilkinji tapgyryny resmileşdirdi.
Hytaý penşenbe güni erkin söwda portunda ada boýunça ýörite gümrük amallaryny başlatdy. Bu bolsa, daşary ýurt harytlarynyň has erkin daşalmagyna, nyrha degişli edilmeýän we işewürlik üçin has amatly çäreler toplumyny giňeltmäge mümkinçilik berdi.
Haýnan iki derejeli gümrük gözegçiligi ulgamyny ýola goýar. Bu bolsa, birinjiden harytlaryň has erkin görnüşde geçmegini, ikinjiden bolsa düzgünleşdirilen tertipdäki geçişi we adanyň çäklerinde harytlaryň erkin dolanşygyny göz öňünde tutýar.
Birinji dereje adany daşary ýurt bazarlary bilen birleşdirýär. Bu harytlaryň has erkin görnüşde we esasan hem nyrha degişli edilmeýän tertipde getirilmegine mümkinçilik berýär.
Ikinji dereje Haýnan bilen Hytaý materiginiň arasyndaky gümrük serhedini kesgitläp, bu ýerde harytlar adaty gözegçilik tertibinde resmileşdirilýär.
Haýnanyň welaýat merkezi bolan Haýkou şäherindäki ýerli gaýtadan işleýän kompaniýalar tarapyndan öndürilen harytlaryň ilkinji tapgyry ikinji derejeli gümrük porty bolan Sinhaý portundan ugradylyp, Hytaý materigine gelip gowuşdy.
Sinhaý porty Haýnanyň on sany ikinji derejeli gümrük portlarynyň biri bolup, iň wajyplarynyň arasynda orun alýar. Sebäbi Haýnandan materik tarapa ugraýan ýük awtoulaglary bilen daşalýan ýükleriň takmynan 80 göterimi ol ýerde gözegçilikden geçýär.
Penşenbe gününden başlap, Haýnanyň ýörite gümrük amallary senagat kärhanalarynyň import edýän materiallarynyň azyndan 30 göterim goşmaça gymmatyny gaýtadan işlemek şerti bilen materige nyrh tölenmeýän tertipde alynmagyna mümkinçilik döredýär.
Bu syýasata laýyklykda, Haýnanda gaýtadan işlenilip, bahasynyň 30 göterimden gowrak ýokarlanmagyna getirýän import edilen çig mallar, import nyrhlaryny tölemezden, Hytaýyň materik bölegine ikinji derejeli portlar arkaly alnyp bilinýär.
Haýnanda nyrh tölegine degişli edilmeýän harytlaryň sany takmynan 1900-den 6600 töweregine çenli artar.
Täze ulgama görä, Haýnandan alyp gidilýän ýükleriň ikinji derejeli portlardan geçmegi talap edilýar. Käbir ýükler üç görnüşi öz içine alýan gümrük barlaglaryndan geçiriler. Olar nyrha degişli edilmeýän ýükler; goşmaça gymmatyň azyndan 30 göterimi gaýtadan işlenilmegi sebäpli nyrhlardan boşadylan ýükler; we ýeňilleşdirilen söwda çäklendirmelerinden peýdalanýan ýükler.
Sinhaý portundaky merkezi barlag zolagy ýylda 1,72 million ýük awtoulagyny kabul etmek üçin niýetlenendir we onuň ýük göterijiligi 44 million tonnadan ybaratdyr.
"Şu gün Haýnanyň erkin söwda porty ada boýunça ýörite gümrük amallarynynyň täze tapgyryna resmi taýdan geçmegi üçin täze başlangyçlary ýola goýdy. Erkin söwda portunyň ada boýunça ýörite gümrük amallary üçin bellenen desga bolmak bilen, Haýkou Meýlan howa menzili ikinji derejeli awiasiýa porty hökmünde gaýtadan işlemek üçin goşmaça gymmaty 30 göterim bolan nyrhlardan boşadylan syýasatyndan peýdalanýan harytlaryň birinji tapgyryny resmi taýdan resmileşdirmek işlerini üstünlikli tamamlady. Bu harytlar degişlilikde Sian we Pekine iberildi. "Ýeke-täk elektron resminama" we " gümrük amallaryny ikinji derejeli resmileşdirmek" ýaly anyk çözgütler sebäpli, ikinji derejeli port hökmünde Meýlan howa menziliniň indi ýörite gümrük amallarynyň kadalaşdyrylan we ýokary netijeli tapgyryna başlandygyny aňladýar" diýip, Haýkou şäher söwda býurosynyň porty utgaşdyryş we dolandyryş bölüminiň başlygy Baý Defu aýtdy.
Haýnan bilen Hytaýyň esasy bölegini birleşdirýän möhüm geçelgeleriň biri bolan Sanýa şäherindäki Nanshan portunda ýükleriň ilkinji tapgyry ikinji derejeli gümrük nokadynda resmileşdirildi we materige tarap ugradyldy.
"Kärhanalaryň syýasat arkaly höweslendirmelerden doly peýdalanmagyna ýardam bermek üçin, biz ilkinji tapgyrlarda gaýtadan işleýän we goşmaça gymmatlyk döredýän kärhanalara birnäçe gezek baryp gördük. Biz gümrük amallaryny resmileşdiriş syýasaty boýunça öňünden gollanma berdik, ikinji derejeli gözegçilik talaplary we gümrük amallaryny ýeňilleşdiriş babatyndaky çäreler barada anyk düşündirişleri berdik. Biz her bir kärhana üçin ýörite ýazgylary döretdik we olara bellige almak we resmileşdirmek babatynda degişli ýardamlary berdik. Biz ikinji derejeli gümrük amallarynyň resmileşdirilişinde harytlaryň takyk seljermesini geçirmek üçin akylly gümrük gözegçilik meýdançasyny ulandyk we tiz resmileşdirmegi üpjün etdik" - diýip, Sanýa Gümrük Öýüniň baş direktorynyň orunbasary Wang Ýan habar berdi.
Şeýle hem, Haýnanyň 30 göterim goşmaça gymmatlyk syýasaty ýük daşamaklyk işine peýda getirýär.
"Zawodymyzda gaýtadan işleýänimizden soň, biz ony Çingdao şäherinde ýerleýäris we takmynan 390 000 ýuan möçberinde tölenmeli nyrhdan boşadylýarys" - diýip, Haýnan Sianýuan Senagat kompaniýasynyň wise-prezidenti Liu Liýuan habar berdi.
