Hytaýyň senagat ykdysadyýeti ilkinji 11 aýda durnuklylygyny saklaýar
Hytaýyň senagat ykdysadyýeti şu ýylyň ilkinji 11 aýynda durnukly ösdi we düzümi taýdan has-da gowulaşdy, esasy senagat kärhanalaryndan goşulan bahanyň möçberi geçen ýyl bilen deňeşdirilende 6 göterim ýokarlandy. Noýabr aýynda 41 sany esasy senagat pudagynyň 30-sy ösüş görkezdi, olaryň arasynda awtoulaglaryň we demir ýol ulaglarynyň önümçiligi, gämi gurluşyk we äleme uçuş enjamlarynyň önümçiligi 11.9 göterim, kompýuter we elektron enjamlarynyň önümçiligi bolsa 9.2 göterim ösdi.
Ösüşe itergi berýän ýokary tehnologiýaly önümçilik geçen ýyl bilen deňeşdirilende 9.2 göterim ösdi. Noýabr aýynda 3D görnüşde çap edýän enjamlaryň önümçiligi 100.5 göterim artdy, senagat robotlarynyň önümçiligi 20.6 göterim, täze energiýaly awtoulaglaryň önümçiligi bolsa geçen ýyl bilen deňeşdirilende 17 göterim ýokarlanyp, 1.84 million birlige ýetdi.
“Öňdebaryjy tehnologiýanyň we enjam önümçiliginiň ösüşi umumy senagat ösüşinden öňe geçdi, bu bolsa senagatyň döwrebaplaşdyrylmagy üçin içerki mümkinçilikleriň artýandygyny görkezýär” diýip, Hytaýyň Maglumatlar pudagyny ösdüriş merkeziniň Senagat ykdysadyýeti institutynyň direktorynyň orunbasary Han Sianfei aýtdy.
Hytaý mundan beýläk ylmy-tehnologiýany we senagat innowasiýalaryny biri-biri bilen utgaşdyrmaga, senagat zynjyryny pugtalandyrmaga hem-de senagatyň düzümini güýçlendirmäge we özüne ynamlylygyny artdyrmaklyga uly üns berer.
