Hytaý Köpçülikleýin habar beriş serişdeleri toparynyň 2026-njy ýyldaky nyşany
Hytaý Köpçülikleýin habar beriş serişdeler topary (CMG) çarşenbe güni 2026-njy ýylyň Bahar Baýramynyň resmi şygaryny we nyşanyny köpçülige aýan etdi. 2026-njy ýyl Hytaýyň aý senenamasy boýunça At ýyly bolup, ol 2026-njy ýylyň 17-nji fewralynda başlanýar.
Gadymy hytaý şygryýetiniň antologiýasyndaky lirik setirden ylham alan Hytaý Köpçülikleýin habar beriş serişdeler topary, 2026-njy ýyl üçin mowzugy “Tizlik bilen çapýan at — diňe öňe hereket” diýip habar berdi.
Bu şygar hytaý halkynyň üstünlikler döretmek baradaky berk erkini, ynamly öňe gitmek islegini, täze eýýama we täze syýahata bolan umytlaryny aňladýar.
2026-njy ýylyň Bahar Baýramynyň nyşany gadymy hytaý sungatyna degişli bulut, ýyldyrym, we nagyşlar ýaly klassiki bezegleri birleşdirilip, ýan-ýana çapyp barýan dört atyň şekilini özünde jemleýär. Bu diňe bir däp-dessura esaslanýan estetiki gözelligi görkezmän, eýsem döwrebap ruhuň döredijilikli güýjüni hem alamatlandyrýar.
Hytaýyň aý senenamasyndaky 12 haýwanlar ulgamynda “At” ýyly iň işjeň we joşgunly ýyllaryň biri bolup, güýç, tutanýerlilik we diňe öňe hereket etmek ýaly aýratynlyklary aňladýar.
Hytaý Köpçülikleýin habar beriş serişdeleri topary tarapyndan 1983-nji ýyldan bäri geçirilýän Bahar Baýramy, Hytaýyň Täze ýyl baýramçylygynyň aýrylmaz bölegi bolup gelýär. Baýramda aýdymlar, tanslar, sahnalar, operalar we halk sungatynyň çykyşlary görkezilýär.
Dünýäde iň köp tomaşa edilýän teleýaýlym çäresi hökmünde tanalýan her ýylda geçirilýän bu baýramçylyk, täze ýyl gijesiniň öňisyrasynda maşgala agzalarynyň bir ýere jemlenmegi bilen, täze aý ýylyna geçilýän wagty görkezilýär.
Geljek ýyl üçin Bahar Baýramynyň Gijesi 2026-njy ýylyň 16-njy fewralyna gabat gelýär.
