Hytaýda gyşyň aňzagynda awtoulaglar synagdan geçirilýär
Hepdäniň ýekşenbe güni Hytaýda awtoulaglary gyşyň aňzakly howasynda synagdan geçiriş möwsümi başlandy. Synaglar, awtoulagyň tormozyny, şassisini gözden geçirmek, hem-de pes temperaturada onuň sowuga çydamlylyk derejelerini anyklamak üçin 300 gektardan gowrak bolan doň we sürçek meýdançada geçirildi.
“Gyş synaglary awtoulagyň dört tigirlerini hem dogry dolandyrmaga mümkinçilik berýär” diýip, CATARC Awtomobil Synag Merkeziniň uly inženeri Dong Siaofei düşündirdi.
Geçirilen esasy synag, buzda we sürçek ýerlerde awtoulagyň tormozy basylanda tekerleriniň gulplanyp we süýşüp gitmeginiň öňüni alyş mümkinçiligini we tormoz ýoluny öwrenmekdir.
Merkez şeýle hem sensor tehnologiýasynda, elektron dolandyrylýan şassilerde we akkumulýatorlarda tehnologiýalary ösdürmek maksady bilen intellektual elektrik ulaglary (NEV) üçin ähli möwsümlerde buzly we garly şertlerde synag geçiriş desgasyny taýýarlaýar.
“Desga taýýar bolanyndan soň, ol dünýäde iň uly we iň giň buzly we garly şertlerde synag geçiriş desgasy bolar” diýip, merkeziň baş direktorynyň orunbasary Liu Donsian aýtdy. Sebitde gyşky temperatura yzygiderli -25°C we -33°C çenli pese düşýär, bu bolsa adaty bolmadyk howa şertlerinde synag geçirmek üçin amatly mümkinçilikleri döredýär.
