Şanhaý konferensiýasynda öňdebaryjy beýni-kompýuter interfeýsiniň innowasiýalary görkezildi
Hepdäniň anna güni Şanhaý şäherinde 2025-nji ýylyň “Beýni-Kompýuter Interfeýsi” atly maslahaty öz işini tamamlandy. Bu maslahatyň dowamynda pudakda öňdebaryjy bolan birnäçe “Hytaý çözgütleri” görkezildi. “Beýni dünýäni birleşdirýär, paýhas Şanhaýda jemlenýär” atly çärä ylmy-barlag işlerini alyp barýan toparlary, pudakdaky işläp düzüjiler we bilermenler özleriniň geçiren ylmy-barlag işlerini, olaryň durmuşda ulanylyşyny we olara degişli düzgünleri özara baglanyşdyrmak maksady bilen bu ýere jemlendiler.
“Beýni-Kompýuter Interfeýsi” atly bäsleşiginde ýadawlygy anyklamak, duýgulary ýüze çykarmak we beýni tarapyndan dolandyrylýan enjamlar ýaly ugurlar boýunça 100 sany topar gatnaşyp, olardan 40 sany topara baýraklar gowşuryldy. Sergi zolagynda on iki sany kompaniýa özleriniň uka gatylyşmak, psihiki saglygy bejermek we saglygy dikeldiş ýaly doly ulgam çözgütlerini üpjün edýän tehnologiýalary görkezildi. : “Biz şu ýylyň mart aýynda ilkinji ýerli kliniki synagy tamamladyk, giň möçberli synaglar indiki ýyl başlanar” diýip, bu sergä gatnaşyjy Çen Ýaoksu belledi.
Şanhaý Hytaýyň ilkinji Beýni-kompýuter interfeýsine gönükdirilen geljekki senagat toplumyny döretdi. Bu maslahatda Beýni-kompýuter interfeýsi hyzmat meýdançasyny we bilelikdäki sanly neýrolukmançylyk barlaghanasyny öz içine alýan täze innowasiýa meýdançalarynyň açylyş dabarasy boldy. “Biz dünýäniň talaplaryna laýyk gelýän önümleriň işlenip taýýarlanmagyny goldamak maksady bilen kärhanalar üçin beýniniň elektrik işjeňligini ölçeýän we ýazýan agyrysyz lukmançylyk barlaglarynyň maglumatlar toplumyny açýarys” diýip, bu taslamanyň müdiri Wang Žuoýao kliniki zerurlyklary nazara alýan çemeleşmäni belledi.
