Hytaýda 2025-nji ýylyň “Bir guşak, bir ýol” media forumy geçirildi
Hepdäniň ýekşenbe güni Hytaýyň günortasynda ýerleşýän Guandun welaýatynyň Ýançsian şäherinde 2025-nji ýylyň “Bir guşak, bir ýol” atly media forumy geçirildi we oňa 20 ýurtdan we sebitden 300-e golaý wekiller, bilermenler we alymlar gaynaşdy.
Foruma gatnaşyjylar Hytaý Halk Respublikasynyň Başlygy Si Szinpiniň öňe süren ösüş, howpsuzlyk, medeniýet we dolandyryş ugurlarynda taslamalary durmuşa geçirmegi, “Bir guşak, bir ýol” başlangyjynyň çäginde hyzmatdaşlygy ösdürmegi hem-de “Öňdebaryjy media döwründe deňiz ýüpek ýoluny dikeltmek” şygary astynda bütin adamzat üçin umumy geljegi bolan jemgyýeti gurmagyň ýollaryny ara alyp maslahatlaşdylar.
Bu çärede hökümet edaralarynyň, köpçülikleýin habar beriş serişdeleriniň we senagat pudagynyň wekilleri halkara media we medeni hyzmatdaşlygy, emeli intellekt arkaly döredilen mazmunyň geljegi we onuň senagatda ulanylyşy barada pikir alyşdylar. Forumyň dowamynda birnäçe halkara aragatnaşyk taslamalary bilen bilelikde Halkara media hyzmatdaşlygy boýunça Ýansian başlangyjynyň açylyş dabarasy hem geçirildi.
2016-njy ýylda Hytaý media topary tarapyndan döredilen “Bir guşak, bir ýol” media jemgyýeti, “Ýüpek ýoly” konsepsiýasy boýunça dünýäde ilkinji halkara kino we telewideniýe media birleşigidir. Häzirki wagtda bu birleşik 64 ýurtdan we sebitden 149 sany esasy media guramalaryny öz içine alýar we halkara media hyzmatdaşlygy üçin giň meýdança bolup hyzmat edýär.
