Şençženiň belent binalary APEC sammitiniň öňüsyrasynda yşyk şüweleňi bilen bezeldi

Noýabr 13, 2026 | 23:00 |195
CCTV logo
Çeşme: cctv.com


Aziýa — Ýuwaş umman ykdysady hyzmatdaşlygynyň (APEC) ykdysadyýetleriniň ýolbaşçylarynyň 33-nji duşuşygyny kabul etmäge taýýarlanýan Hytaýyň Şençžen şäherinde belent binalaryň ýüzünde giň gerimli yşyk şüweleňi başlandy.

Ýörite maksatnama Hytaýyň Mediakorporasiýasy (China Media Group, CMG) tarapyndan şäheriň meşhur belent binalary bilen hyzmatdaşlykda taýýarlanyldy. 11-nji noýabrdan başlap, dört agşamyň dowamynda binalaryň daşky ýüzleri öňümizdäki sammite bagyşlanan yşyk şekilleri bilen bezelýär.

Yşyk şüweleňi her gün sagat 19:30-dan 21:30-a çenli dowam edýär. Belent binalaryň ýüzünde dürli reňkli şekiller we ýazgylar peýda bolup, Şençženiň gijeki keşbine baýramçylyk öwüşginini berýär. Bu görnüşler şäheriň ýaşaýjylarynyň we myhmanlarynyň ünsüni çekýär, olaryň köpüsi yşyklandyrylan binalary surata düşürýär.

Çäre 18–19-njy noýabrda geçiriljek APEC-iň ykdysadyýetleriniň ýolbaşçylarynyň duşuşygynyň öňüsyrasynda guralýar. Şençžende sebitleýin ykdysady hyzmatdaşlygyň meseleleri ara alnyp maslahatlaşylar.

CCTV+-niň habar bermegine görä, yşyk şüweleňi şäheriň halkara duşuşyga taýýarlygynyň bir bölegi bolup, sammitiň öňüsyrasynda baýramçylyk ýagdaýyny döretmäge gönükdirilendir.

Beýleki habarlar