Si Szinpin we Makron Hytaý-Fransiýa işewürler geňeşiniň VII mejlisiniň ýapylyş dabarasyna gatnaşdylar
Penşenbe güni Pekinde Hytaý Halk Respublikasynyň Başlygy Si Szinpin we Fransiýanyň Prezidenti Emmanuel Makron Hytaý-Fransiýa işewürler geňeşiniň ýedinji mejlisiniň ýapylyş dabarasyna gatnaşdylar we onuň dowamynda çykyş etdiler.
Si Szinpin iki taraplaýyn ykdysady we söwda hyzmatdaşlygynyň yzygiderli giňeýändigini we has durnukly bolýandygyny belläp, şu ýylyň ilkinji 10 aýynda umumy söwda dolanyşygynyň 68,75 milliard ABŞ dollaryna barabar bolandygyny, jemi maýa goýumlarynyň bolsa 27 milliard ABŞ dollaryndan artandygy belläp geçdi.
Si Szinpin taraplaryň mümkinçiliklerden peýdalanmak we hyzmatdaşlygy berkitmek, iki taraplaýyn gatnaşyklary yzygiderli ösdürmek üçin ysnyşykly hyzmatdaşlyk etmelidigini aýtdy.
Si Szinpin dünýäniň häzirki döwürde ýüze çykýan meselelerine taraplaryň arasyndaky gatnaşyklary durnukly saklamak bilen çemeleşmelidigini belledi.
Ol taraplary ykdysady we söwda hyzmatdaşlygynyň täze ugurlaryny yzygiderli giňeltmäge, özara bähbitli Hytaý we ÝB arasyndaky gatnaşyklary täze derejä çykarmaga, ähliumumy dolandyryşy özgertmek hem-de kämilleşdirmek tagallalaryna goşant goşmaklyga çagyrdy.
Si Szinpin Hytaýy döwrebaplaşdyrmak tagallalarynda fransuz kompaniýalarynyň işjeň gatnaşmaklygyny, şeýle hem Fransiýanyň ykdysadyýetine maýa goýmaga we taslamalary amala aşyrmaga isleg bildirýän hytaý kärhanalaryny goldaýandygyny aýtdy.
Si Szinpin iki taraplaryň emeli aň, ýaşyl we sanly ykdysadyýet, bio-lukmançylyk we ilatyň ýaşy uly gatlagyna hyzmat edýän ykdysadyýeti ýaly täze ýüze çykýan ugurlardaky hyzmatdaşlygyň mümkinçiliklerinden peýdalanmalydygyny, senagat we üpjünçilik ugurlarynda aç-açanlygy hem-de gatnaşyklary yzygiderli ýola goýmalydygyny we iki ýurduň kompaniýalary üçin adalatly, aýdyň, deň hukukly we öňünden çaklap boljak işewürlik gurşawyny üpjün etmelidigini nygtady.
Şu ýyl Hytaý bilen Ýewropa Bileleşiginiň arasynda diplomatik gatnaşyklaryň ýola goýulmagynyň 50 ýyllygy bellenilýändigini aýdyp, Si Szinpin Hytaýyň we ÝB-niň arasyndaky sazlaşykly we özara bähbitli ykdysady we söwda gatnaşyklarynyň ösüşinde deňagramlylyk gazanmaga ähli mümkinçilikleriň bardygyny aýtdy. Şeýle hem ol özygtyýarlygyň we iki taraplaýyn bähbitleriň howp salmaýandygyny belledi.
Si Szinpin Hytaýyň we ÝB-niň ählitaraplaýyn strategik hyzmatdaşlyga ygrarly bolmagyny goldamak, şeýle hem Hytaý-ÝB gatnaşyklarynyň ýene 50 ýyl dowam etmegini gazanmakda hyzmatdaşlyk alyp barmaga çagyrdy.
Şu ýyl II jahan urşunda gazanylan ýeňşiň we Birleşen Milletler Guramasynyň döredilmeginiň 80 ýyllygy bellenilýändigini aýdyp, Si Szinpin özüniň dünýäde ösüşi, howpsuzlygy we medeniýeti ösdürmek babatynda Ähliumumy dolandyryş başlangyjyny öňe sürendigini aýtdy.
Hytaý we Fransiýa köptaraply ýörelgeleri öňe sürmelidir, BMG-niň abraýyny bilelikde goramalydyr, Bütindünýä Söwda Guramasynyň çäklerinde kadalara esaslanýan köptaraplaýyn söwda ulgamyny goldamalydyr we ähliumumy dolandyryşy özgertmek hem-de kämilleşdirmek işine oňyn goşant goşmalydyr.
Si Szinpin Hytaýy döwrebaplaşdyrmagy ähli ugurlarda öňe sürjekdigini we ýokary derejeli aç-açanlygy gazanjakdygyny, Hytaýyň ýeten sepgitlerinden peýdalanmaga isleg bildirýän fransuz işewürlerini goldaýandygyny aýtdy.
Dabara Hytaýyň we Fransiýanyň hökümetleriniň, işewür toparlarynyň we beýleki pudaklarynyň 150 töweregi wekilleri gatnaşdy.
